117 zańsyz sheshim anyqtaldy
2023 jyldyń basynan bastap ASHM Jer resýrstaryn basqarý komıtetiniń respýblıka boıynsha aýmaqtyq bólimsheleri jer paıdalanýshylarǵa qatysty 486 myń gekter alańda jospardan tys 381 tekserýdi tirkedi, dep habarlaıdy Almaty-akshamy.kz.
Tekserý nátıjesinde 304,7 myń ga alańda 152 nusqama engizildi.
"Sonymen qatar, bıyl 891,7 myń gektar bos jatqan aýyl sharýashylyǵy jerleri memleketke qaıtaryldy. Budan basqa, ákimdikterge qatysty 65 tekserý júrgizilip, aýyl sharýashylyǵy maqsatyndaǵy jer ýchaskelerin berý týraly 117 zańsyz sheshim anyqtaldy. Jergilikti atqarýshy organdardyń atyna jer zańnamasyn buzýshylyqtardy joıý týraly 54 uıǵarym berildi", - dep habarlaıdy QR ASHM baspasóz qyzmeti.
Bul baǵyttaǵy jumys qarqyndy júrip jatyr. Eki jyl ishinde qaıtarylýǵa jatatyn 10 mln gektardyń ishinde memleket menshigine barlyǵy 6,3 mln gektar jer berildi. Bul rette, memleketke qaıtarylǵan aýyl sharýashylyǵy jerleri halyqty jaıylymdarmen ońtaıly qamtamasyz etý maqsatynda bastapqy kezde aýdandardyń rezervine qoıylatynyn atap ótemiz. Iaǵnı, joǵaryda atalǵan jer ýchaskeleri sol mańdaǵy aýyl turǵyndary paıdalanylatyn ortaq jerlermen qamtamasyz etkennen keıin ǵana konkýrstarǵa shyǵarylatyn bolady.