Keltirilgen zalal somasy 6 mlrd teńgeden asady
Olıgarh Qaırat Satybaldynyń burynǵy jubaıy Gúlmıra Satybaldy sotta suraq-jaýap alý kezinde óz kinásin ishinara moıyndaıtynyn málimdedi, dep habarlaıdy Almaty-akshamy.kz Zakon.kz-ke silteme jasap.
Astanada Gúlmıra Satybaldynyń isi boıynsha sotta sottalýshylardan suraq-jaýap alynyp jatyr. Aıgúl Mekeshevany urlaý epızody boıynsha qoıylǵan suraqtarǵa jaýap berý kezinde Gúlmıra Satybaldy ózine taǵylǵan qylmystarǵa qatysty óz kinásin ishinara moıyndaıtynyn málimdedi.
"Men kinámdi ishinara moıyndaımyn, biraq 125-bap boıynsha (aıyptaý qujatynda 125-bap 2-tarmaqtyń 1-8 bóligi dep kórsetilgen) taǵylǵan aıypty moıyndamaımyn. Kisi urlady degendi moıyndamaımyn. Eger ony urlap áketken bolsam, qalaı ony (Aıgúl Mekeshevany) meniń úıime ákelsin dep aıtamyn? Bul qısynǵa kelmeıdi. Sondaı-aq basyný (aıyptaý qujatynda QR QK 389-baby 3-bóligi dep kórsetilgen) baby degen bar. Ol aradaǵy bes paıyzdy moıyndaımyn. Men oǵan 5%-dy (aksıa) ýáde etkenmin jáne sol ýádemde turmadym", - dedi Gúlmıra Satybaldy.
Buǵan deıin Gúlmıra Satybaldy Aıgúl Mekeshevamen "Galanz Bottlers" jáne "Maxi Bottlers" kompanıalary aksıalaryndaǵy jábirlenýshiniń úlesin ótkizip berý týraly medıatıvtik kelisim jasasqan bolatyn.
Olıgarh Qaırat Satybaldynyń burynǵy jubaıy adam urlaý jáne óz erkimen áreket etý jáne qylmystyq quqyq buzýshylyqty uıymdastyrdy dep aıyptalady. Sotta bıznesin reıderlik jolmen basyp alǵanyna aryzdanǵan eki jábirlenýshi bar. Keltirilgen zalal somasy 6 mlrd teńgeden asady. Bul týraly 2022 jyldyń naýryz aıynda belgili boldy.
Gúlmıra Satybaldy 16 naýryzda Astanada ustalyp, ýaqytsha ustaý ızolátoryna jabyldy.
Basty sot talqysy 14 naýryzda Astana qalasy Baıqońyr aýdanynyń № 2 sotynda bastaldy. Ol kezde Gúlmıra Satybaldy kinásin tolyqtaı moıyndamaıtynyn málimdegen edi.