«Oqıtyn ult» jobasy
Búgin Almatydaǵy Ulttyq kitaphanada Dúnıejúzilik kitap jáne avtorlyq quqyq kúnine arnalǵan jyl saıynǵy «Kitap shoý-2023» festıvali ótti, dep habarlaıdy Almaty-akshamy.kz.
Festıvál túrki memleketteriniń uıymy jarıalaǵan «2023 jyl - Túrki órkenıetiniń damý jyly» aıasynda uıymdastyryldy.
Festıváldiń maqsaty – «Oqıtyn ult» jobasy sheńberinde halyqtyń kitap oqý belsendiligin arttyrý, kitap pen oqýǵa degen qyzyǵýshylyǵyn qoldaý, balalar men jasóspirimderdiń oqý saýattylyǵyn kóterý jáne kitap oqý mádenıetin damytý, sondaı-aq, túrki halyqtarynyń tarıhı jáne ádebı murasyn nasıhattaý.
Merekelik is-sharany Qazaqstan Respýblıkasy Ulttyq kitaphanasynyń dırektory, Qazaqstandyq Kitaphanalyq Odaq tóraıymy Ospanova Baqytjamal Qaıyrbekqyzy quttyqtaý sózben ashyp, «KİTAP shoý-2023» festıvaliniń basty maqsaty men shara aıasyndaǵy ádebı tanymdyq, mádenı sharalarǵa toqtaldy.
«Kitap shoý-2023» merekesi aıasynda Qazaqstannyń halyq jazýshysy, Memlekettik syılyqtyń laýreaty Muzafar Álimbaevtyń 100 jyldyǵyna arnalǵan «Qazaq balalar ádebıetiniń ótkeni men búgini» atty respýblıkalyq ǵylymı-teorıalyq konferensıasy; Qyrǵyzstannyń halyq jazýshysy, memleket jáne qoǵam qaıratkeri Sh.Aıtmatovtyń 95 jyldyǵyna arnalǵan «Shyńǵys Aıtmatovty oqımyz» atty halyqaralyq dóńgelek ústel; «ABAI» ádebı-tanymdyq, anımasıalyq ensıklopedıasynyń tusaýkeseri jáne kitap avtorlary R.Zaıkenova, Q.Qaraevamen kezdesý; Tanymal fransýz fotografy Jan-Mark Godestiń «Jandy kitaptar» fotokórmesi jáne sheberlik saǵaty; Tanymal polák jazýshysy Petr Voısehovskımen onlaın-kezdesý; «Órkenıet qaısysy: kitap nemese aıfon» pikir-talas alańy; jáne de QR Ulttyq kitaphanasy qorynan «Túrki áleminiń birligi» atty kúıtabaqtar, kitaptar jáne merzimdi basylymdar kórmesi; Qazaqstandyq baspalardyń kitap ónimderiniń saýda-jármeńkesi; «Oqy jáne ózgege usyn» býkkrosıng; Ulttyq shyǵarmashylyq qolónershiler jármeńkesi uıymdastyryldy.
Qonaqtar men qatysýshylarǵa shaǵyn merekelik konsert usynyldy, Melıka Shehrıbannyń kórkemdik jetekshiligimen «Ildızlar» túrik bı tobynyń «Aıdachyrak» bıi, «ZARA CRACIA» bı tobynyń solısi Sona Karaeva, ázerbaıjandyq «Sary gálın» bıimen kórkemdik jetekshisi Pırverdıeva Zarına Iagýbovna óner kórsetti, «Mýras» qyrǵyz etnomádenı birlestiginiń ánshisi Kerımbekova Marıpanyń oryndaýynda «Komýzchý» halyq áni, Almaty qalasynyń «Ózbek ulttyq-mádenı ortalyǵy» qoǵamdyq birlestiginen «Lázgı» ózbek horezm bıimen merekelik shoý baleti , Qazaqstan Respýblıkasy Ulttyq kitaphanasynyń jas mamandary «Shashý bıin» kórsetti.