Jyl basynan beri 98,1 myń otbasyndaǵy 503,5 myń adamǵa ataýly áleýmettik kómek taǵaıyndaldy.
Bıyl bul maqsatqa búdjetten 87,1 mlrd teńge bólindi, dep habarlaıdy Almaty-akshamy.kz
Eńbek jáne halyqty áleýmettiń qorǵaý mınıstrliginiń málimetinshe, AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deıingi balalaryn kepildik berilgen áleýmettik toptamamen qamtamasyz etý boıynsha jumys júrgizilýde.
«2022 jylǵy 1 toqsanda AÁK alýshylar qataryndaǵy 1 jastan 6 jasqa deıingi 124,5 myń bala azyq-túlik jáne turmystyq hımıa jıyntyǵy túrinde áleýmettik toptama taǵaıyndaldy», - delingen vedomstvo habarlamasynda.
Esterińizge sala keteıik, osy jyldyń qańtar aıynda tótenshe jaǵdaı rejıminiń qoldanylýyna baılanysty 2021 jyldyń 4 toqsanynda AÁK alǵan azamattarǵa tólemder 2022 jyldyń 1 toqsanyna avtomatty túrde uzartyldy. Bul rette jańa alýshylar úshin Elektrondyq úkimet portaly arqyly ataýly áleýmettik kómek taǵaıyndaýǵa ótinish berý múmkindigi iske asyryldy.
Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, sondaı-aq eGov.kz elektrondyq úkimet portaly arqyly bere alady.