Alyp shaharymyzda jalpyhalyqtyq referendým qorytyndysy talqylandy.
İs-shara Abaı atyndaǵy Qazaq Ulttyq pedagogıkalyq ýnıversıtetinde stýdentter men profesor-oqytýshylar ujymy arasynda ótti.
Sharanyń negizgi maqsaty - stýdentter men oqytýshylar arasynda atom energetıkasynyń qaýipsizdigi, onyń ekologıalyq jáne ekonomıkalyq aspektilerin saralaý. Sondaı-aq, elimizdiń energetıkalyq qaýipsizdigin qamtamasyz etýdegi AES salýdyń rólin túsindirý.
Kezdesý aıasynda qatysýshylar Qazaqstanda AES salýǵa qatysty ótken referendým qorytyndysyn talqylady.
«Qoǵamdyq damýdyń, sonyń ishinde sıfrlyq damýdyń mańyzdy bóligi energetıka. Biz geosaıasatta ózimizdiń pozısıamyzdy joǵaltpaý úshin energetıka salasyn damytýymyz kerek. Sońǵy 2 jyl boıy halqymyz óziniń saıası saýattylyǵyn kórsetti. Sonyń nátıjesin referendýmnyń qorytyndysynan baıqap otyrmyz. Jalpy bul referendým Prezıdentimizdiń halyq únine qulaq asatyn memleket pozısıasynyń jarqyn kórinisi boldy. Sondaı-aq halqymyz bolashaqta damýymyzǵa yqpal etetin strategıaǵa daýys berdi. Shetelden kelgen sarapshylar da joǵary baǵalaryn berdi. Bul elimizdiń demokratıalyq jaǵynan da kóterilgenin kórsetedi», – dedi QAZUPÝ saıasattaný kafedrasynyń meńgerýshisi Jomart Sımtıkov.