Qazaqstannyń birinshi vıse-premeri Roman Sklár eldiń burynǵy saǵattyq beldeýine qaıtyp oralý múmkindigi týraly pikirin bildirdi, dep habarlaıdy aqshamnews.kz.
Úkimettiń dálizderinde jýrnalıser odan bul ózgeristiń qandaı jaǵdaıda oryn alýy múmkin ekenin surady. Sklár qoǵamnyń pikiriniń ekige bólingenin atap ótti:
«Sizder óte mańyzdy suraqty kóterdińizder. Qoǵamnyń bir bóligi jańa ýaqytqa kóshýge oń kózqaraspen qarady. Mysaly, buryn Tashkent pen Shymkent arasynda bir saǵat aıyrmashylyq bar edi, al qazir ol aıyrmashylyq joq. Tashkent turǵyndary bul ózgeriske shaǵymdanbady. Bireýler úshin bul qolaıly bolsa, basqalarǵa sáıkes kelmeı jatyr».
Sklár erte turýǵa úırenip qalǵanyn jáne jańa rejım oǵan yńǵaılyraq ekenin aıtty.
Alaıda, ol keıbir qazaqstandyqtar úshin bul ózgeristerdiń qıyndyqtar týdyrǵanyn da moıyndady:
«Meniń keıbir tanystaryma bul ýaqyt tártibi unamaıdy, ásirese uzaq uıyqtaǵandy jaqsy kóretinderge. Bul jerde barlyq oń jáne teris jaqtaryn muqıat tarazylaý qajet».
Roman Sklár biryńǵaı saǵattyq beldeýge kóshý oryndy ma degen suraqqa túpkilikti qorytyndy jasaý úshin ýaqyt kerek ekenin jáne nátıjelerdi muqıat baqylaý mańyzdy ekenin atap ótti.