Qazir mundaı norma joq.
Bul týraly qujat 31 qańtarǵa deıin qoǵam talqylaýy úshin Ashyq NQA saıtyna jarıalanǵan, dep habarlaıdy Almaty-akshamy.kz
QR İİM «Qazaqstan Respýblıkasynyń Ákimshilik quqyqbuzýshylyq týraly kodeksine ózgerister men tolyqtyrýlar engizý týraly» zań jobasyna normatıvtik-quqyqtyq saıasat boıynsha konsýltatıvtik-keńes qujatyn ázirledi.
Atap aıtqanda, jýrnalısiń zańdy kásibı qyzmetine kedergi keltirgeni úshin jaýapkershilikti kúsheıtý usynylyp otyr. Aqparat jáne qoǵamdyq damý mınıstrliginiń túsindirýinshe, qazir mundaı norma joq.
Keıingi 5 jylda QR Qylmystyq kodeksiniń 158-baby boıynsha (Jýrnalısti aqparatty taratýǵa májbúrleý nemese taratýdan bas tartý arqyly onyń zańdy kásibı qyzmetine kedergi jasaý, jýrnalıske zańdy kásiptik qyzmetti júzege asyrýǵa kedergi keltiretin jaǵdaı jasaý nemese ony bul múmkindikten tolyq aıyrý) bar bolǵany 9 sotqa deıingi tergeý faktisi tirkelgen. Quqyq qoldaný tájirıbesi eń áýeli ákimshilik jaýapkershilikti qosymsha engizý qajet ekenin kórsetedi.
Osyǵan baılanysty Ákimshilik kodekske jýrnalısiń zańdy kásibı qyzmetine kedergi keltirgeni úshin jaýapkershilikti kózdeıtin normany tolyqtyrý usynylyp otyr. Bul norma QR Qylmystyq kodeksiniń 158-babynyń birinshi bóligin «Qazaqstan Respýblıkasynyń Ákimshilik quqyqbuzýshylyq týraly» kodeksine aýystyrý arqyly júzege asady.