Táýelsizdiktiń 30 jyldyq merekesi qarsańynda elimizdiń órkendeýine úles qosqan tanymal tulǵalar men eńbek adamdary Memleket basshysynyń Jarlyǵymen marapattarǵa ıe bolǵan edi.
Marapat ıeleriniń arasynda Almaty Aqshamy gazetiniń Shyǵarmashylyq damý jónindegi keńes múshesi, tarıh ǵylymynyń doktory, profesor, Qazaqstan Jýrnalısıka akademıasynyń prezıdenti Saǵymbaı Qozybaev ta «Qurmet» ordenine ıe boldy.
Jýrnalısıkanyń maıtalmany qazaq biliminiń qara shańyraǵy ál-Farabı atyndaǵy Ulttyq ýnıversıtette jarty ǵasyrǵa jýyq abyroımen eńbek etip, myńdaǵan shákirt daıyndady. Osynaý eńbek jolynda qatardaǵy oqytýshydan bastap, kafedra jetekshisi, jýrnalısıka fakúlteti dekanynyń orynbasary, fakúltet dekany sıaqty baspaldaqtarǵa kóterildi.
Belsendi qoǵam qaıratkeri Saǵymbaı Qabashuly basqaryp otyrǵan Qazaqstan Jýrnalısıka akademıasynyń qurylǵanyna 20 jyl tolsa, onyń músheleriniń ózi myńdap sanalady. Eren eńbek ıesi Saǵymbaı Qozybaevtyń shákirtteri tek óz elimizde emes, Kýba, Vetnam, Laos, Pákistan, Sıngapýr, Aýǵanstan sıaqty shet memleketterde de abyroımen eńbek etip júr.