Parlament Senaty buqaralyq aqparat quraldary ókilderiniń arasyndaǵy «Parasat» konkýrsynyń bastalǵanyn jarıalaıdy, dep habarlaıdy Almaty-akshamy.kz.
Ótinim bergen jyldyń aldyndaǵy jyldyń 21 mamyrynan bastap ótinim bergen jyldyń 20 mamyryna deıin Senat qyzmetin jarıa etý jónindegi avtorlyq ujymdardyń da, jekelegen avtorlardyń da BAQ-ta jarıalanǵan materıaldary konkýrsqa qatysýǵa jiberiledi.
Sizderdi konkýrsqa qatysýǵa jáne óz jumystaryńyzdy jiberýge shaqyramyz. Konkýrs qaǵıdasynyń tolyq mátini jáne ótinishke qajetti blanki Senattyń resmı saıtyndaǵy «BAQ-qa arnalǵan» bóliminde ornalastyryldy, - delingen habarlamada.
Materıaldardy qabyldaý 10 maýsymda aıaqtalady. Konkýrs qorytyndysy Buqaralyq aqparat quraldary qyzmetkerleriniń kúnine oraı shyǵarylyp, laýreattar jarıalanady.
Materıaldardy Senattyń Baspasóz qyzmetiniń Senat_Press@parlam.kz elektrondyq poshtasyna jiberý qajet.
Konkýrs erejesi týraly tolyq aqparat siltemede.