Qazaqstan Respýblıkasynyń Premer-Mınıstri Álıhan Smaıylovtyń tóraǵalyǵymen ótken Úkimet otyrysynda azamattyq avıasıa salasyn odan ári damytý sharalary qaraldy, dep habarlaıdy Almaty-akshamy.kz.
«Elimizdiń keıbir áýejaılarynda ushý-qoný jolaqtaryna jóndeý júrgizý kerek. Traptar men janarmaı quıý mashınalary sıaqty arnaıy tehnıkalardyń kóbi eskirgen. Áýejaılardyń aınalasyndaǵy jerler turǵyn úı qurylysyna nemese bıznes nysandaryna berilip, retsiz paıdalanylýda. Iaǵnı, halyqaralyq standarttar saqtalmaıdy. Bul ushý qaýipsizdigine áser etedi», — dedi Álıhan Smaıylov.
Onyń aıtýynsha, Úkimette avıakerosın óndirisin ulǵaıtý máselesi birneshe ret talqylanǵan, sebebi otandyq janarmaıdyń jetkilikti qory Qazaqstan arqyly tranzıtpen ótetin halyqaralyq avıakompanıalardy tartýdyń negizgi faktorlarynyń biri bolyp tabylady.
Premer-Mınıstr otandyq avıakompanıalarǵa qatysty jolaýshylar tarapynan oryndy syn-eskertýler aıtylatynyn atap ótti. Máselen, reısterdiń keshigýi nemese múldem oryndalmaı qalýyna baılanysty shaǵymdar kóp.
«Osy jyldyń qańtar-aqpan aılarynda Fly Arystan kompanıasy Qostanaı áýejaıynan Astana men Almatyǵa ushýy tıis reısterdiń jartysyna jýyǵyn oryndaǵan joq. 25 aqpanda dál osy avıakompanıanyń jolaýshylary «Astana-SHymkent» reısiniń 10 saǵatqa keshigýine baılanysty janjal shyǵardy. Aqyr aıaǵynda, ol reıs múldem oryndalmaı qaldy. Ókinishke qaraı, avıakompanıalarda jolaýshylarmen tikeleı dıalog ornatý mádenıeti tómen. Reısterdiń keshigý sebepterin ýaqytyly túsindirmeıdi. Laıyqty servıs usynylmaıdy», — dep atap ótti Úkimet basshysy.
Osyǵan baılanysty baǵa saıasatynda da kóptegen suraq týyndaıdy. Mysaly, Astanadan Almatyǵa deıin loýkostermen 1,5 saǵattyq ushý Eýropa, AQSH nemese Qytaı elderindegi osyndaı marshrýttarmen salystyrǵanda 2 ese qymbat bolýy múmkin. Osyǵan baılanysty básekelestikti qorǵaý jáne damytý agenttigi qazirgi baǵa saıasaty jolaýshylardyń múddesine emes, avıakompanıalardyń tabysyn arttyrý úshin jumys istep otyr dep sanaıdy.
«Búginde janarmaı shyǵyndaryn óteýge jumsalatyn otyn alymy logıka boıynsha avıaotyn baǵasynyń ózgerýine baılanysty bolýy tıis. Alaıda, ol bılet baǵasynda ózgerissiz, bir deńgeıde qalyp otyr. Sondyqtan, baǵa saıasatyn qaıta qarap, avıatasymal servısi men qyzmet kórsetý sapasyn jaqsartý úshin únemi jumys isteý kerek. Jolaýshylardyń múddesi birinshi orynda turýy tıis», — dedi Premer-Mınıstr.
Álıhan Smaıylov ýákiletti memlekettik organdarǵa: