Almatyda din, dinı ekstremızm men terorızmniń aldyn alý máseleleri boıynsha BAQ ókilderi men blogerlerge arnalǵan aqparattyq jáne oqytý semınary ótti.
Bul semınarǵa qalalyq jáne respýblıkalyq BAQ ókilderi qatysyp, bilim kókjıegin keńeıtti, dep habarlaıdy aqshamnews.kz.
Sabaq barysynda sarapshylar dinı ekstremızm men terorızmniń aldyn alý taqyrybynda qalam terbeıtin jýrnalıserdiń jiberetin qatelikterin tilge tıek ettti.
«Sálafıtter, saqaldylar, sholaq balaqtylar - bul jýrnalıserdiń jıi qoldanatyn sózderi. Zań turǵysynan alǵanda bul durys emes. Olar - eń aldymen teń quqyly Qazaqstan azamattary, qarapaıym turǵyndar. Sondyqtan, syrtqy kelbetine qarap oǵan kúıe jaǵýǵa bolmaıdy. Aqparat jazǵanda «sálafıtter» degen sózdi jazbas buryn soǵan kóz jetkizgen abzal. BAQ ókilderine arnalǵan semınardyń maqsaty - tilshilerge dinı ekstremızm men terorızmniń ne ekenin túsindirý. Jýrnalıser din salasynyń mamandary emes, sondyqtan olarǵa baǵyt-baǵdar berý kerek», - dedi «Qazaqstan Respýblıkasyndaǵy Terorızm jáne ekstremızm máselelerin zertteý boıynsha» QQ prezıdenti Kákimjan Muratjanuly.
Mamandardyń aıtýynsha, din, dinı ekstremızm men terorızm taqyrybynda maqala jazý óte qıyn. Sebebi, bul uǵymdardyń astarynda úlken mán bar. Tipti, qaýipti desek te bolady. Sondyqtan, qate jibermeýge tyrysý kerek. Áleýmettik jelini, telearnany, saıttardy mıllıondaǵan adam oqıdy, kóredi, tyńdaıdy. Jýrnalısiń bilmestikten jibergen qatesi úlken saıası daý týdyrýy da múmkin.
«Keı jýrnalıser aqparattyń anyq-qanyǵyna kóz jetkizbeı óz tarapynan túrli maqalalar jazady. Sóıtip, adamdardy shatastyrady, óz mamandyǵyna, ıaǵnı jýrnalısıkaǵa nuqsan keltirýi múmkin. Sondyqtan BAQ ókilderin birlesip jumys isteýge shaqyramyz», - deıdi Kákimjan Muratjanuly.
Aıta ketetin jaı, aqparattyq oqytý semınary 5 kúnge sozylady. Bul sharaǵa qatysqan BAQ ókilderi men blogerlerge 5 kúndik oqytý kýrsy aıaqtalysymen arnaıy sertıfıkat beriledi. Berilgen sertıfıkat ekstremızm men terorızmdi aldyn alý taqyrybynda qalam terbep júrgen jýrnalıserdiń bul taqyrypta qate jibermeýine úlken úles qosady dep senim artýda uıymdastyrýshylar.