Polısıa akkaýntyńyzdy alaıaqtardan qorǵaý joldaryn eske saldy, dep habarlaıdy aqshamnews.kz.
Jeke paraqshalaryńyz ben derekterińiz qaýipsiz bolýy úshin:
- Qupıasóz 12345 bolmaýy kerek!
Uzyn, kúrdeli qupıasóz qoıyńyz: bas jáne kishi áripter, sandar jáne arnaıy belgiler (@, #, &) bolsyn. Aty-jónińizdi, týǵan kúnińizdi nemese qarapaıym sózderdi qoldanbańyz.
- Qupıasózdi durys saqtańyz.
Telefondaǵy “Notes”-qa nemese qaǵazǵa jazbańyz. Onyń ornyna paról menedjerin qoldanyńyz — ol sizge jańa qupıasóz quryp, saqtap, qajet bolǵanda aýystyryp beredi.
- Vıdeo men qońyraýdaǵy adamdy tekserińiz.
Alaıaqtar dıpfeık qoldanýy múmkin. Sóılesip otyrǵan adamnan basyn burýyn nemese janynda turǵan zatty kórsetýin surańyz. Shuǵyl aqsha jibermeńiz — “týys” bolsa da, aldymen qońyraý shalyp, rastańyz.
- Áleýmettik jelide abaı bolyńyz.
Kóptegen platforma jasandy ıntellektpen jasalǵan sýretterdi belgileıdi jáne kúmándi kontent týraly eskertedi. Sen, biraq tekser. Kúmándi habarlama kelse — basqa messendjer nemese telefon arqyly qaıta habarlasyńyz. Derekterińizdi qorǵańyz.