Ata-analar balasynyń basyna hıdjab kıgizemin dep mektepke aparmaı urpaǵyn qarańǵy qaldyrady. Bul nadandyq. Mundaı máseleni jýrnalıser de kúsheıtip jatqanyn bilemin. Jýrnalıserdiń arasynda da salafızm men ýahabızmdi jaqtaıtyndar jetkilikti. Sol saladaǵy resýrstar bar. Olar qazirgi qoǵamdaǵy máseleni ýshyqtyryp jatyr, - dedi Bápı.
Aıta keteıik, ótken aptada Ermurat Bápı elimizde dinı kıim kıýge tyıym salynatynyn aıtyp, depýtattar arnaıy zań jobasyn daıyndap jatqanyn jetkizdi. Depýtattyń osy málimdemesinen keıin jelide túrli pikirler taraǵan bolatyn.