Ulttyq sport qaýymdastyǵy jýrnalıser arasynda baıqaý jarıalady.
Jýrnalıser arasynda «Alaman» medıa baıqaýy ótedi. Baıqaýda 7 nomınasıa boıynsha jeńimpazdar anyqtalady, dep habarlaıdy Almaty-akshamy.kz Elorda.info-ǵa silteme jasap.
Bul týraly QR Ulttyq sport qaýymdastyǵynyń prezıdenti Islambek Saljanov jýrnalısermen ótkizgen kezdesý kezinde aıtty.
Ulttyq sportty keńinen nasıhattaý maqsatynda ótetin sharada 7 nomınasıa boıynsha jeńimpazdar anyqtalady.
1. Úzdik baǵdarlama (televızıa, radıo)
2. Úzdik analıtıkalyq materıal (dástúrli baspasóz: gazet, jýrnal)
3. Úzdik tanymdyq materıal (ınternet, BAQ)
4. Úzdik suhbat (YouTube arna)
5. Úzdik fotosýret (BAQ, áleýmettik jeli)
6. Sheteldik BAQ-ta jarıalanǵan úzdik materıal (qazaqtyń ulttyq sporty týraly)
7. Áleýmettik jelidegi úzdik materıal (blogıng, mobılografıa)
Ár nomınasıa boıynsha úsh úzdik avtorǵa aqshalaı syılyq beriledi:
1-orynǵa – 1 000 000 teńge;
2-orynǵa – 700 000 teńge;
3-orynǵa – 500 000 teńge.
Baıqaý jeńimpazdary 2024 jyldyń naýryz aıynda marapattalady.
Basqa da aqparattardy uıymdastyrý komıteti nemese kórsetilgen saıt arqyly bilýge bolady.
Aıta keteıik, konkýrsqa osy jyldyń 1 qyrkúıegi men 2024 jyldyń 1 naýryz aralyǵynda jarıalanǵan materıaldar qatysa alady.