Elimizde 102 myń otbasy AÁK alady
QR Eńbek jáne halyqty áleýmettik qorǵaý vıse-mınıstri Nazgúl Saǵyndyqova Ortalyq komýnıkasıalar qyzmetinde ótken brıfıńte AEK alatyndar jaıly aıtty, dep habarlady Almaty-akshamy.kz.
«Búginde bizdiń elde kedeılik sheginen tómen deńgeıdegi otbasylarǵa ataýly áleýmettik kómek tólenedi. Bıylǵy 1 tamyzdaǵy jaǵdaı boıynsha AÁK alatyn 538 myń adam nemese 102 myń otbasy bar. Eger ótken jylmen salystyrsaq, byltyr AÁK-ni 700 myńnan astam adam nemese 141 myń otbasy aldy. Kórip otyrǵanymyzdaı, AÁK alatyndar sany azaıyp keledi. Endi osynyń ishinde balalardyń úlesi 65 paıyzdy nemese 355 myń balany quraıdy. 1 qańtardan bastap osy otbasylarda turatyn 1-6 jastaǵy balalarǵa qosymsha túrde kepildendirilgen tólem beriledi. Ár bala úshin 1,5 AEK tólenedi», - dedi ol.
Saǵyndyqova atap ótkendeı, 2019 jyly 250 myń otbasy kópbalaly retinde járdemaqy alsa, qazir olardyń sany 545 myń otbasyǵa jetti.
«Memleketten kómek alyp jatqan otbasylar sany artyp otyr», - dedi ol.