Reseı Federasıasynyń memlekettik dýmasynyń depýtaty ári memdýmadaǵy sport komıteti jetekshisiniń orynbasary Ámir Hamıtov RF densaýlyq saqtaý mınıstri Mıhaıl Mýrashkoǵa shylymqorlarǵa júrip bara jatyp temeki tartýǵa tyıym salý týraly usynys bildirdi.
Bul jaıynda islam.kz portaly IslamNews aqparat kózine silteme jasaı otyryp málim etedi, dep habarlaıdy aqshamnews.kz.
Depýttattyń pikirinshe, júrip bara jatyp shylym shegý temeki tútininiń zıanyn kúsheıtedi. Júrip bara jatqan adamnyń tynys alýy jıileıdi. Osyǵan baılanysty shylymnyń zıany kóbirek tıedi. Ekinshiden, júrip bara jatyp shylym shekken adamnyń temeki tútinin janyndaǵy júrginshiler de jutady. Úshinshiden, bul tyıym qabyldansa, qala kósheleriniń temeki tuqylynyń qoqysynan taza bolýǵa yqpal etedi. Densaýlyq saqtaý mınıstrligi atalmysh ussynysty qarastyratyn bolady ári tıisti sharalar qabyldaıdy, dáliregi, «Azamattardyń densaýlyǵyn temeki tútininiń áserinen qorǵaý týraly» zańnamaǵa tıisti tolyqtyrýlar engizilýi múmkin.