2025 jyly Almatyda SHOB sýbsıdıalaý quralyn iske asyrýǵa jergilikti búdjetten 32,6 mlrd.teńge, respýblıkalyq búdjetten 20 mlrd. teńgeden astam qarajat bólinedi.
Qarajat óńdeýshi ónerkásipti, IT jáne týrızmdi qosa alǵanda, ekonomıkanyń basym salalarynda SHOB sýbektileriniń 2 myńnan astam jobasyn qoldaýǵa múmkindik beredi, dep habarlaıdy aqshamnews.kz
2025-27 jyldarǵa arnalǵan búdjettiń tıisti jobasyn Almaty Máslıhatynyń aldaǵy sesıasynda qaraý josparlanýda. Bul týraly qalalyq Máslıhattyń baspasóz qyzmeti habarlady.
Esterińizge sala keteıik, 2024 jyly Almatyda kásipkerlikti sýbsıdıalaý quralyn iske asyrýǵa 47,9 mlrd.teńge bólindi, onyń 18,1 mlrd. teńgesi jergilikti búdjetten, 29,8 mlrd. teńgesi respýblıkalyq búdjetten tústi. Bul qarajat sýbsıdıalaý merzimi áli jalǵasyp jatqan 2 298 qoldanystaǵy jobany qoldaýǵa, sondaı-aq 82,8 mlrd.teńge kredıt somasyna 875 jańa jobany maquldaýǵa múmkindik berdi.
Sýbsıdıalanǵan jobalardyń eń kóp sany Kólik jáne qoıma salalaryna (27,7%) jáne ónerkásipke (25,5%) tıesili. Bul rette, barlyq jobalardyń 72% - y negizgi jabdyqtardy satyp alýdy jáne bıznesti jańǵyrtýdy qosa alǵanda, ınvestısıalyq maqsattarǵa qarjylandyrylady.
Sýbsıdıalaýdyń arqasynda kásipkerler úshin syıaqynyń túpkilikti mólsherlemesi 8% - ǵa deıin tómendetildi.
Kredıtter boıynsha paıyzdyq mólsherlemeni sýbsıdıalaý kórsetiletin memlekettik qoldaý sharalary arasynda eń suranysqa ıe qural bolyp qala beredi jáne kásiporyndardy óz bıznesin keńeıtý ne jańartý úshin "qoljetimdi" qarjylyq qarajatpen qamtamasyz etedi, osylaısha taýarlardyń básekege qabilettiligi men sapasyn arttyrady.
Kásipkerlikti qoldaýdyń biryńǵaı keshendi baǵdarlamasy bıznesti yntalandyrý, otandyq óndirýshilerdiń básekege qabilettiligin arttyrý jáne Qazaqstan kásipkerleri úshin jańa múmkindikter jasaý jónindegi memlekettik strategıa sheńberinde iske asyrylady.
Jalpy, aǵymdaǵy jyldyń basynan bastap Almatyda kásipkerlik belsendiliktiń turaqty ósýi baıqalady. 2024 jylǵy 1 qarashadaǵy jaǵdaı boıynsha jumys istep turǵan SHOK sýbektileriniń sany 364,6 myńdy qurady (jyl basynan beri ósim 7,2% - ǵa). Bul rette, bilim berý (jyl basynan beri+13,6%), aqparat jáne baılanys (+5,8%) jáne óńdeý ónerkásibi (+5,6%) sıaqty sektorlardaǵy kásiporyndar sanynyń artýy baıqalady. Aǵymdaǵy jyldyń birinshi jartyjyldyǵynda SHOB ónimin shyǵarý 10,9 trln. teńgeni qurap, 22,4%-ǵa ósken.