Kólik mınıstrligi ÚAAAJ-yn (Úlken Almaty aınalma avtomobıl joly) paıdalanǵany úshin tólem jasamaǵandarǵa qandaı sharalar qoldanylatynyn málimdedi, dep habarlaıdy aqshamnews.kz
Buǵan deıin júrgizýshilerdiń aqyly Almaty avtobanyn paıdalanǵany úshin 3 mıllıard teńgeden astam qaryzy bar ekeni týraly habarlanǵan bolatyn. ÚAAAJ arqyly ótý úshin tólem boıynsha qaryzdar negizinen jeńil avtokólik ıelerine tıesili.
Aıta keteıik, ÚAAAJ aqyly avtojolyn paıdalanǵany úshin tólemdi joldan ótkennen keıingi jeti kún ishinde tóleýge bolady. Aldymen paıdalanýshylarǵa bank qosymshalarynda ÚAAAJ arqyly ótý úshin qaryzdyń bar ekendigi jáne ony óteý qajettiligi týraly habarlamalar jiberiledi. Sodan keıin tıisti organ tarapynan aıyppuldar salynady. Sonymen qatar, tólem jasamaǵandarǵa Qazaqstan Respýblıkasynan shyǵýǵa shekteý qoıylýy múmkin.
Mınıstrlik júrgizýshilerge ÚAAAJ -ty paıdalanǵany úshin tólem jasamasa, ne bolatynyn eske saldy.
«Qaryz Qazaqstan Respýblıkasynyń zańnamasyna sáıkes paıdalanýshylardan óndirilip alynady. Aqyly avtomobıl joldarymen ótý úshin tólemdi ýaqytynda tólemegen jaǵdaıda, Qazaqstan Respýblıkasynyń zańnamasynda belgilengen tártippen ákimshilik is qozǵalatyn bolady jáne aıyppul salynady. Sonymen qatar, ÚAAAJ arqyly ótý úshin qaryzy bar paıdalanýshylarǵa Qazaqstan Respýblıkasy shekarasynan avtokólikpen ótýge tyıym salý kózdelgen,» - dep habarlady Kólik mınıstrligi.