Psıhologtardyń pikirinshe, mýzyka adamǵa óz maqsattaryna qol jetkizýge jáne óz-ózine degen senimin arttyrýǵa kómektesedi.
Áýenniń áserinen gúl tez ósedi desedi. Mýzykanttardyń estý qabileti jaı adamdarǵa qaraǵanda joǵary bolady eken. Adamnyń júregi tyńdap otyrǵan mýzykasynyń yrǵaǵymen birdeı soǵady. Mýzyka jylap jatqan náresteni birden tynyshtandyrady. Sportpen shuǵyldaný kezinde áýen tyńdaý tózimdilikti arttyrady desedi. Ejelgi Egıpette mýzykanyń kómegimen júıke aýrýlaryn jáne uıqysyzdyqty emdegen. Áıgili «Bıtlz» tobynyń ánshileri birde-bir nota bilmegen. Elektrogıtarany oılap tapqan Leo Fender degen ónertapqysh tipti sol aspapty tartyp kórmegen desedi. Ataqty kompozıtor Bethoven mýzyka shyǵarar aldynda basyn salqyn sýǵa salyp otyratyn bolǵan. Zertteýlerge súıensek, rok-ánshiler ómirden erte ótedi eken.
Mýzykany qosyp qoısańyz, sıyr kóbirek sút beredi deıdi, aýyldyń kelinshekteri synap kórse bolady eken. Adam jumys istep jatqanda án tyńdap júretin bolsa, bulshyq ettiń jumys qabiletin eki ese arttyrady eken. Keıbir áýender operasıa ústelinde jatqan pasıenttiń aýrýyn sezdirmeıtin kúshke ıe bola alady eken. Jaǵymdy mýzyka adamnyń este saqtaý qabiletin arttyrady desedi.
Ázirlegen Nur JAMAL.