QR Premer-Mınıstriniń orynbasary Eraly Toǵjanov osylaı dedi.
Búgin QR Premer-Mınıstriniń orynbasary Eraly Toǵjanovtyń tóraǵalyǵymen QR aýmaǵynda koronavırýstyq ınfeksıanyń taralýyna jol bermeý jónindegi vedomstvoaralyq komısıanyń otyrysy ótti, dep habarlaıdy Almaty-akshamy.kz
Kún tártibindegi negizgi máseleler COVID-19-ǵa qarsy kúresý, «omıkron» jańa shtamy taralǵan elderde bolǵan qazaqstandyqtardyń oralýy jáne odan keıingi karantın máseleleri boıynsha sheshimder qabyldaýǵa qatysty boldy.
Vıse-premer eldegi epıdemıologıalyq jaǵdaı turaqty ekenin atap ótip, halyqty koronavırýstyq ınfeksıaǵa jáne basqa da juqpaly aýrýlarǵa qarsy vaksınasıalaý jumystaryn jalǵastyrý qajettigin atap ótti.
Vedomstvoaralyq komısıa josparly ımmýndaýmen qamtý 10 aı ishindegi ońtaıly kórsetkish josparly 95%-dyń 79%-yn quraıtynyn atap ótti. Respýblıkanyń barlyq óńirlerinde pnevmokok ınfeksıasy, kókjótel, dıfterıa, sirespege (AKDS) qarsy vaksınalaýmen qamtýǵa qol jetkizilmegen.
Respýblıkalyq mánnen tómen kórsetkishter Atyraý (62,3 %), Pavlodar (64,7 %), Aqtóbe (66,1 %), Mańǵystaý (66,4 %), Batys Qazaqstan oblystarynda (67,4 %) jáne Almaty qalasynda (63,4%) baıqalady. Immýndaý qarqyny qazan aıynan bastap turaqty tómendep kele jatqan óńirlerdiń, Qaraǵandy, Almaty, Atyraý, Aqtóbe oblystarynyń basshylaryna senip tapsyrylǵan aýmaqtardyń halqyn vaksınalaýmen qamtýdy erekshe baqylaýǵa alý tapsyrmasy berildi.