Aǵymdaǵy jyldyń 10 shildesi kúni Jambyl oblysy, Gvardeıskıı oqý ortalyǵynda Almaty qalasy Jastar saıasaty basqarmasynyń jáne QR Qorǵanys mınıstrliginiń qoldaýymen «Almaty» stýdentter Alánsy» korporatıvtik qorynyń uıymdastyrýmen «Jiger» jastardy áskerı-patrıottyq tárbıeleý boıynsha is-sharalar keshenin ótkizý» jobasy aıasynda áskerı-dalalyq lagerdiń saltanatty jabylý rásimi ótti.
Bul joba tuńǵysh ret pılottyq joba retinde Almaty qalasy jáne Jetisý oblystarynda júzege asyryldy.
Áskerı-dalalyq lagerge 18-den 24 jasqa deıingi Almaty qalasynyń jumyspen qamtylmaǵan 30 jasy qatysty. Lager 17 kúnge sozyldy. Áskerı-dalalyq lagerde áskerı oqý-jattyǵý jumystary, jastardyń dalalyq mashyqtaryn pysyqtaý, jeke quramǵa jańa tehnıkalardy tanystyrý, oqý-jattyǵý barysynda jaýyngerlik tehnıkamen qarý jaraqtyń túrlerimen tanysý, ásker bólimderin jáne ásker túrin soǵys tártibine keltirip, jastardyń taktıkalyq bilimin jetildirý jáne t.b. jumystary júrgizildi.
Áskerı-dalalyq lagerdiń jabylý saltanatyna QR Qorǵanys mınıstrligi men QR Qarýly kúshteriniń ókilderi, Jastar Saıasaty basqarmasynyń ókilderi qatysty .
Jastar saıasaty Basqarmasynyń bólim basshysy Nursultan Bolatuly áskerı-dalalyq lagerdiń joǵary deńgeıde ótkendigin atap ótip, ofıserlik quramǵa jáne kýrsanttarǵa osy lagerdi joǵary deńgeıde uıymdastyrǵany úshin úlken alǵys bildirdi. Almaty qalasy Jastar saıasaty Basqarmasy kez-kelgen bastamany, sonyń ishinde jumyssyz jastardy jumysqa ornalastyrý, olardyń bos ýaqyttaryn tıimdi paıdalaný úshin, osyndaı jobalardy árqashan qoldaýǵa, uıymdastyrýǵa daıyn ekendigin jetkizdi.
Osy lagerdi uıymdastyrǵan Almaty stýdentter Alánsyna erekshe yqylasyn bildirip, bolashaqta jobanyń jalǵasyn tabatyndyǵyn aıtty!
Almaty stýdentter Alánsy KQ atqarýshy dırektory Jasulan Bostandyquly jınalǵandardy 17 kúndik lagerdiń aıaqtalǵanymen quttyqtap, óziniń izgi tilegin bildirdi:
«Qurmetti qatysýshylar, eki aptany óte joǵary deńgeıde ótkizgenderińizdi kórýge bolady. Osy alǵan daǵdylaryńyzdy umytpaı, árqashanda jetildirip júrińizder. «JIGER» áskerı-patrıottyq lageri birinshi ret ótkizilip otyr. Jalpy áskerı-patrıottyq baǵyttaǵy jobalardy Almaty stýdentter Alánsy 4 jyl qatarynan ótkizip kele jatyr. Jas Sarbaz qozǵalysymen birge oqýshylar, stýdentter arasynda ótkizetin edik, bıyl alǵash ret Jastar saıasatynyń qoldaýymen áskerı bazanyń tóńireginde jumyssyz jastarmen ótkizip otyrmyz».
Lager qatysýshylary ózderiniń pikirlerimen bólisip, áskerı ómirge degen kózqarastarynyń ózgergendigi týraly, lager barysyndaǵy qyzyqty sátteri týraly pikir bildirip, oı bólisti.
Áskerı-dalalyq lager qatysýshysy Ismagýlov Abzal Qýanyshulynyń pikirinshe Gvardeıskıı garnızony 30212 áskerı bóliminde ótken «Jiger» áskerı-dalalyq lagerinde áskerı tártipke úırenip qana qoımaı, qarý-jaraq pen áskerı tehnıka túrlerimen tanysqan, odan bólek jospar boıynsha ótken sabaqtardyń erekshe áser etkenin jetkizdi. Jetisý oblysy men Almaty qalasy jastary arasynda kóptegen jarystar bolyp, sol jarystardyń nátıjesinde jetistikke jetken kýrsanttar marapattar alǵan. Bolashaq sarbazdarǵa «Otan qorǵaý Qazaqstan Respýblıkasynyń ár er azamatynyń paryzy, sondyqtan barshańyzdy Otan aldyndaǵy boryshtaryńyzdy óteýge shaqyramyn»-dedi.
Sonymen qatar, lager qatysýshylary jáne Qorǵanys mınstrliginiń ókilderi Jastar saıasatanyń atynan arnaıy alǵys hatpen marapattaldy!