Aqmola oblysynda tehnıkalyq mamandarǵa suranys ósip, jumysshy kásipterdiń bedeli kóterilýde. «Jumysshy kásipter jyly» aıasynda granttar sany artty, stýdentter oqý kezinde-aq tájirıbeden ótip, jumysqa ornalasýǵa múmkindik alýda.
Kókshetaý joǵary tehnıkalyq koleji kadr daıarlaýdyń úlgisine aınaldy. Munda 20 quzyret ortalyǵy bar, dýaldy oqytý júıesi engizilgen. Stýdentter «Tynys» AQ, «KAMAZ Injınırıń» sıaqty kásiporyndarda tájirıbeden ótedi. Kolej úsh deńgeıli bilim berýdi usynady: jumysshy biliktiligi, tehnıkalyq jáne qoldanbaly bakalavrıat.
Zamanaýı jabdyqtar – VR, 3D-prınterler, 1000-nan astam kompúter – jastardyń jańa tehnologıalardy meńgerýine jol ashyp otyr. Stýdentter WorldSkills chempıonattarynda jetistikke jetýde, IT-mamandyqtarǵa suranys artyp keledi.
Kásiporyndar jas kadrlardy belsendi qabyldaýda: tájirıbeden ótkenderdiń 80%-y jumysqa qalady. Jas mamandardyń eńbekaqysy, áleýmettik qoldaýy jaqsaryp, jumysshy kásipter barǵan saıyn tartymdy bolýda.