Bishkekte Qazaqstan kınosynyń kúnderi ótip jatyr, dep habarlaıdy aqshamnews.kz
Úsh kún boıy kórsetilimder «Ala-Too» kınoteatrynda ótedi. 20 tamyz kúni saǵat 18:00-de kórermenderge Rústem Ábdrashevtiń «Qazaq handyǵy. Altyn taq» fılmi usynylady.
Kelesi kúni, 21 tamyzda saǵat 14:00-de Ulttyq kınony qoldaý ortalyǵynyń qoldaýymen túsirilgen Rashıd Súleımenovtiń «Operasıa Nabat» kartınasy kórsetiledi. Baǵdarlamany 22 tamyzda saǵat 11:00-de rejıser Jandos Qusaıynovtyń Ulttyq kınony qoldaý ortalyǵynyń qoldaýymen túsirilgen «Jambyl. Jańa dáýir» fılmi qorytyndylaıdy.
Ár kórsetilimnen keıin fılm avtorlarymen pikirtalas uıymdastyrylady. Bul kórermenderge rejıserlerdiń shyǵarmashylyq oı-tujyrymyn tereńirek túsinýge jáne ózderin qyzyqtyrǵan suraqtaryn qoıýǵa múmkindik beredi. Uıymdastyrýshylar barlyq kórsetilimderdiń erkin qoljetimdi bolatynyn erekshe atap ótti.