2025 jyl – elimizde «Jumysshy mamandyqtar jyly» dep jarıalandy.
Bul bastama tehnıkalyq jáne kásiptik bilim berýdi damytýǵa, jastardy eńbek naryǵynda suranysqa ıe mamandyqtarǵa baýlýǵa baǵyttalǵan. Osyndaı ıgi maqsattardy júzege asyrý jolynda Almaty jolaýshylar kóligi jáne tehnologıalar koleji 2025 jyldyń 14 shi aqpany kúni Almaty qalasy Túrksib aýdanynyń №195, №189, №78 jáne Alataý aýdanynyń №164 mektepteriniń ustazdary men oqýshylaryna Ashyq esik kúnin uıymdastyryp, jumysshy mamandyqtarynyń mańyzdylyǵyn taǵy bir márte dáleldedi.
Qoǵamnyń damýy men ekonomıkanyń turaqtylyǵy bilikti jumysshylarǵa tikeleı baılanysty. Injenerler men konstrýktorlar qansha myqty joba jasasa da, ony iske asyratyn – qolynda kásibı quraly bar sheber mamandar. Almaty jolaýshylar kóligi jáne tehnologıalar kolejinde avtokólik jóndeý, dánekerleýshi, tigin óndirisi, shashtaraz óneri, elektr jáne mehanıkalyq júıelerdi basqarý sıaqty mańyzdy baǵyttar boıynsha bilim beriledi. Ashyq esik kúnine kelgen mektep oqýshylary osy mamandyqtar jaıly jan-jaqty maǵlumat aldy.
Kolej oqytýshylary oqý úrdisi, tájirıbelik sabaqtar, zamanaýı tehnıkalarmen jabdyqtalǵan zerthanalar týraly baıandady. Al, bilim alýshylar ózderi meńgerip jatqan kásipterin is júzinde kórsetip, túrli sheberlik synyptaryn ótkizdi.
Sonymen qatar, shyǵarmashylyq kózqarasty damytý jáne suranysqa ıe mamandyqty tańdaýǵa kómektesý maqsatynda oqýshylar «Golýbaıa zvezda Kazahstana» kompanıasyna ekskýrsıaǵa bardy. Bul komanıa-«Mercedes Benz» marqasynyń resmı dıleri. Oqýshylarǵa avtoservıs jáne avtomobıl ındýstrıasy salasyndaǵy kásibı qyzmetpen tanysýǵa múmkindik berildi.
Búginde jumysshy mamandyqtaryna suranys artyp keledi. Qazaqstandyq jáne sheteldik kásiporyndar tájirıbeli mehanıkterdi, tehnık-mamandardy, dánekerleýshilerdi, avtoslesarlardy izdep, joǵary jalaqy men turaqty jumyspen qamtamasyz etýge daıyn. Kolej dırektory is-shara barysynda:
"Biz jastarǵa sapaly bilim berip qana qoımaı, olardyń eńbek naryǵynda óz oryndaryn tabýyna kómektesemiz. Bizdiń túlekterimiz – elimizdiń ekonomıkasyn damytýǵa úles qosatyn bilikti mamandar," – dep atap ótti.
Ashyq esik kúnine kelgen jastar jumysshy mamandyqtarynyń tek qajetti ǵana emes, sonymen qatar bedeldi ári tabysty ekenin túsindi. Óz qolymen el ıgiligine eńbek etý – úlken mártebe.
Jumysshy mamandyqtary – tek búgingi ǵana emes, erteńgi kúnniń de kepili. Almaty jolaýshylar kóligi jáne tehnologıalar kolejiniń bastamasy – kásibı bilimge umtylǵan jastarǵa jol ashatyn mańyzdy qadam. Osyndaı is-sharalar arqyly biz eńbek adamynyń mártebesin kóterip, el ekonomıkasynyń berik irgetasyn qalaımyz.
"Qaıratty eńbek – baqytyńnyń shyraǵy" demekshi, ár jas óz bolashaǵyn senimdi qolmen qalyptastyra alady. Al jumysshy mamandyǵyn meńgerý – sol bolashaqqa aparatyn berik kópir.