Memleket basshysy Qasym-Jomart Toqaev «Jumysshy mamandyqtarynyń jylyn jarıalaý týraly» Jarlyqqa qol qoıdy. Bul týraly Prezıdent «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda: «Biz jumysshy mamandyqtaryn dáripteý arqyly qoǵamda eńbekqor jáne naǵyz maman bolý ıdeıasyn nasıhattaımyz. Bul «Adal azamat – Adal eńbek – Adal tabys» qaǵıdatyna tolyq saı keledi. Qoǵamda eńbekqorlyq, kásibılik sıaqty qasıetter óte joǵary baǵalanýǵa tıis. Óz kásibin jetik meńgergen mamandar ult sapasyn arttyrady. Jumystyń jamany joq, kez kelgen eńbek – qadirli. Eń bastysy, árkim jaýapkershilikti tereń sezinip, óz mindetin sapaly atqarýǵa tıis. Sonda ǵana elimiz damýdyń sara jolyna túsedi», dep atap kórsetti.
Jumysshy mamandyǵynyń mártebesin kóterý – bul degenimiz eńbek adamynyń bedelin arttyrý, onyń kásibı biliktiligin jetildirý, sondaı-aq jumysshynyń qabiletin jan-jaqty baǵalaý arqyly júzege asatyn jan-jaqty úderis. Bul mindetti sheshý úshin kásibı bilim berý júıesin jetildirý, biliktilikti arttyrý, eńbek jaǵdaılaryn jaqsartý, jumysshy mamandyqtarynyń maǵynasyn keńinen nasıhattaý, qoldaý kórsetý sıaqty keshendi is-sharalardy júıeli júrgizý arqyly sheshilmek.
Búgingi tańda jumysshy mamandyqtaryn oqytatyn Almaty kópsalaly koleji kásiptik-tehnıkalyq bilim alǵan jumysshy mamandarynyń teorıalyq bilim alýmen qatar óndiristik tájirıbeden ótip, kásibı biliktiligin arttyrýyna, kolejdi aıaqtaǵanda daıyn mamandyq ıesi bolyp shyǵýyna barlyq múmkindikterdi beredi. Kolejdiń pedagogıkalyq ujymy bilim berý úderisine jańa tehnologıalardy belsendi engizedi, túrli kásibı konkýrstarǵa qatysyp, onda júldeli oryndarǵa ıe bolady.
Búgingi tańda kolej ujymy óz aldyna kadrlar daıarlaýdyń tıimdiligin arttyrý, qoldanystaǵy júıeni jetildirý jáne qala ekonomıkasynyń salalarymen úılestirilgen mamandar daıarlaýdyń ınovasıalyq modelin engizý boıynsha mańyzdy mindetter qoıady.
Almaty qalasy ákimdiginiń qoldaýymen 2023, 2024 jyldary kolejdiń 20 arnaıy pánder oqytýshylary men óndiristik oqytý sheberleri Túrkıa, Germanıa, Qytaı, Koreıa, Malaızıa memleketteriniń oqý ortalyqtarynda halyqaralyq taǵylymdamadan ótti.
Ǵylymı-zertteý jáne bilim berý baǵyttarynda tájirıbe almasý boıynsha kolej Qytaıdyń jetekshi ýnıversıtetterimen halyqaralyq yntymaqtastyqty belsendi damytýda memorandýmdarǵa qol qoıylǵan.
Áleýmettik seriktestermen jáne jumys berýshilermen tıimdi yntymaqtastyq nátıjesinde kolej túlekterdi jumysqa ornalastyrý boıynsha joǵary kórsetkishke ıe. Búgingi tańda kolejde áleýmettik áriptestikti damytý basym baǵyttardyń biri ekeni anyq. Stýdentterdi óndiristik tájirıbemen qamtamasyz etetin qalanyń jetekshi kásiporyndarymen sharttar men kelisimder jasalǵan.
Almaty kópsalaly kolejiniń ákimshiligi bilim alýshylardyń oqýdaǵy talaptaryn qanaǵattandyrý maqsatynda tańdaǵan mamandyǵyn jetik megerýine barlyq jaǵdaı jasaı otyryp, túrli is-sharalardy josparly túrde júrgizedi.
2024 jyly kúrdeli jóndeýden ótip, zamanýı quraldarmen jabdyqtalǵan «Kópsalaly quzyrettilik ortalyǵy» teorıalyq bilimdi tájirıbede bekitýge, mamandyqty tolyq meńgerýge múmkindik beredi:
· Jıhaz tehnologıasy ortalyǵy;
· Aǵash óńdeý jáne dızaın ortalyǵy;
· Tońazytqysh-kompressorlyq júıeler ortalyǵy;
· Sáýlet jáne dızaın ortalyǵy;
· Sandyq sheshimder ortalyǵy;
· Startup Hall;
Zerthanalar:
· Tómen temperatýraly tehnologıalar zerthanasy;
· AvtoMaster Lab.
Sabaqtan tys ýaqytta da mamandyqqa degen qyzyǵýshylyǵy men izdensisterin damytý maqsatynda túrli is-sharalar uıymdastyryp ótkizedi. Almaty kópsalaly koleji stýdentteriniń shyǵarmashylyq jetistikteri ENACTUS KAZAKHSTAN NATIONAL EXPO 2024 baıqaýynda úshinshi orynǵa ıe bolyp, aıtarlyqtaı jetistikterge qol jetkizýi. Sondaı-aq, oqý bólimi men óndiristik oqytý sheberleri «Jumysshy mamandyqtar jyly» aıasynda jumysshy mamandyqtaryn dáripteý jáne oqýshylardy erte kásiptik baǵdarlaý maqsatynda «Almaty kópsalaly koleji kartınasy» taqyrybynda sheberlik-synyp ótkizdi.
Maqsaty:
· kásibı bilim men daǵdylardy qalyptastyrý;
· bilim alýshylardyń óz mamandyǵyna qyzyǵýshylyǵyn arttyryp, olardyń eńbek etýge qabiletterin damytý;
· oqýshylardyń «AKK» kartınasyna qoltańba qaldyrýy.
Osyndaı is-sharalardy ótkizýde jobalyq tapsyrmalar bere otyryp, oryndalǵan jumystardy qorǵaý barysynda negizgi ıdeıany jetkizýdegi birlese júrgizgen jumystyń nátıjesi, shyǵarmashylyq izdenisteri, kópshilik aldynda sóıleý mádenıeti, stýdentterdiń qabiletterin jan-jaqty ashýǵa múmkindik beredi.
Almaty kópsalaly koleji ujymy, mektep oqýshylaryna bizdiń oqý ornymyzǵa qosh keldińizder jáne stýdentterge sáttilik, jańa jeńister men jetistikter tileımiz!