Munaı kompanıasyna jumysqa kirmek bolǵan aqtóbelik 1 mln-ǵa jýyq teńgesinen aıyryldy
Jaz aıynda 48 jastaǵy aqtóbelik ózine qolaıly jumys izdegen. Týysy ony beıtanys adammen tanystyrǵan. Ol jumys izdegen aqtóbelikke munaı kompanıasyna vahtalyq ádispen jumysqa ornalasýǵa kómektesetinin aıtyp, óz qyzmeti úshin qomaqty aqsha suraǵan. Beıtanys jumysshymen Aqtóbe qalasyndaǵy kóshelerdiń birinde kezdesken jigit ózin jumysqa ornalastyratyna senip, oǵan 2 myń AQSH dollaryn qolma-qol bergen, – dep habarlaıdy almaty-akshamy.kz.
Alaıda jarty jylǵa jýyq ýaqyt boıy ýáde etken munaı kompanıasyna jumysqa shaqyrtý almaǵan ári bir mıllıonǵa jýyq aqshasyn da qaıtaryp ala almaǵan aqtóbelik jigit qarashada polısıaǵa aryzdandy.
Osy derek boıynsha polısıa qyzmetkerleri 39 jastaǵy kúdiktini anyqtady. Alaıaqtyq deregi boıynsha QR Qylmystyq kodeksiniń 190-babynyń 1-bóligi (alaıaqtyq) boıynsha qylmystyq is qozǵaldy.