«Jas qalammen» radıodan jarq etken Qorabaı Esenovtyń týǵanyna - 75 jyl

Kezdessem urlana karaımyn
Asaýdaı týlaıdy jas júrek
Men seni janyma balaımyn
Sen úshin mende bar bir tilek
Men seni janyma balaımyn
Sen úshin mende bar bir tilek, - dep bastalatyn bul án kópshiliktiń kóńilinen oıyp turyp oryn alǵan ánderdiń avtory. 

Án avtory Qorabaı Esenov búgin mereıli 75 jasqa tolyp otyr. Kezinde osy ánimen bir-aq kúnde qazaqtyń únjarıasy - Qazaq radıosy arqyly qalyń jurtqa aty álim bolǵan óner ıesiniń týǵan kúni týǵan elinde atalyp ótip jatyr, dep habarlaıdy Almaty-akshamy.kz.

Osydan birer jyl buryn ǵana Qora­baıdyń konserti Qaraǵandyda tuń­ǵysh ret ótipti.

Lırıka koroli, retro rysary, án serisi Qorekeń! Iá, ataqty Qorabaı Esenovti aıtamyz, qalyń qazaqty jeti shekti gıtarasynyń jazıra áýenimen qushaq­taǵan qaıtalan­bas talant, qara­paıym óner ókili, patshadaı pań, quldaı qarapaıym qazaq áýeni. «Qorabaı qazaq ónerindegi zor qubylys. Ult sahnasynda gıtarasymen qosa san tarmaqty jańa áýez,jańa saryn ashqan degdar býyn. Zamanǵa saı týǵan erekshe dara tulǵa» depti belgili aqyn, memleket jáne qoǵam qaıratkeri Kákimbek Salyqov aǵamyz.

Ókinishke qaraı, Qorabaı aǵamyz jaıly qoǵamda kóp aıtyla bermeıdi. Bul rette dara daýys ıesine Qazaq­stannyń halyq ártisi Qaırat Baıbo­synov «Biz Qorekeńniń áni arqyly óner­ge, ómirge ǵashyq boldyq» degen baǵa berip, bir-birin osylaı qoshemettegen eken.  Bul rette telearnalardyń tóri, konsert zalda­rynyń sándi sahnasy Qorabaı ánderine jol ashý jaǵyn kóbirek qolǵa alǵan jón sıaqty.

Qorekeńniń «Jas qalam» dep jarq ete qalǵanyna da jarty ǵasyrdan astam ýaqyt óte shyǵypty. Qorabaı jaıly kórkem fılm túsirse de artyq emes. Jap-jas jigittiń «Qazaq» radıosynan shyrqaǵan jalǵyz áni bir-aq kúnde avtor­dy tanymal etken.