Memlekettik qyzmet bir kún ishinde tegin kórsetiledi.
Sodan keıin jumys izdeýshi retinde tirkelý týraly habarlama nemese bas tartý týraly dáleldi jaýap keledi , dep habarlaıdy Almaty-akshamy.kz
Eńbek jáne áleýmettik qorǵaý mınıstri 2024 jylǵy 27 maýsymdaǵy buıryqpen jumys izdep júrgen adamdardy, jumyssyzdardy tirkeý jáne mansap ortalyqtary kórsetetin eńbek deldaldyǵyn júzege asyrý qaǵıdalaryna ózgerister engizdi.
Atap aıtqanda, jumys izdep júrgen adamdardy, jumyssyzdardy tirkeý jáne mansaptyq ortalyqtar kórsetetin eńbek deldaldyǵyn júzege asyrý qaǵıdalaryna birneshe qosymshalar jańa redaksıada baıandalǵan.
Memlekettik qyzmet kórsetý tásilderi:
- tikeleı ortalyqta;
- eGov.kz elektrondyq úkimet veb-portaly arqyly;
- enbek.kz portaldy aqparattandyrý obektisi arqyly.
Memlekettik qyzmet kórsetý úshin kórsetiletin qyzmetti alýshydan talap etiletin qujattar men málimetterdiń tizbesi:
- ótinish;
- kórsetiletin qyzmetti alýshynyń jeke basyn kýálandyratyn qujat ne sıfrlyq qujattar servısinen elektrondyq qujat (jeke basyn sáıkestendirý úshin);
- eńbek qyzmetin rastaıtyn qujat (bar bolsa);
- bilimi, biliktiligi, arnaıy biliminiń nemese kásiptik daıarlyǵynyń bolýy týraly qujat (bar bolsa).
Jeke basty kýálandyrǵannan jáne "Eńbek naryǵy" AAJ-ǵa derekterdi engizgennen keıin qujattar kórsetiletin qyzmetti alýshyǵa qaıtarylady.
Egov.kz portalynda memlekettik kórsetiletin qyzmet nátıjesin alǵan kúnin kórsete otyryp, ótinimniń qabyldanǵany týraly habarlama kórsetiletin qyzmetti alýshynyń "jeke kabınetine" jiberiledi.
Buıryq 2024 jylǵy 11 shildeden bastap qoldanysqa engiziledi.