Aýyl sharýashylyǵy mınıstrligi, Saýda jáne ıntegrasıa mınıstrligi, Qus ósirýshiler odaǵy, jumyrtqa óndirýshilerdiń salalyq qaýymdastyǵy jáne Saýda jelileri odaǵy áleýmettik mańyzy bar azyq-túlik taýarlarynyń baǵasyn turaqtandyrý sharalaryn júzege asyrýdaǵy yntymaqtastyq týraly Memorandýmǵa qol qoıdy, dep habarlaıdy aqshamnews.kz.
Memorandýmnyń negizi - taraptardyń baǵa turaqtylyǵyn qamtamasyz etýge degen ózara múddeliligi men bıznestiń áleýmettik jaýapkershiligin arttyrý.
Jergilikti óndirýshilerdi qorǵaý úshin aýyl sharýashylyǵy mınıstrligi taǵamdyq jumyrtqany ákelýge shekteý engizý máselesin qaraıdy jáne SIM-men birlesip sur ımportty taǵamdyq jumyrtqany satýǵa jol bermeý boıynsha baqylaý sharalaryn qabyldaıdy.
Qus ósirýshiler odaǵy men qaýymdastyq qus fabrıkalarynyń qoımalarynan, sondaı-aq olardyń fırmalyq dúkenderinen satý baǵasynyń turaqtylyǵyn qamtamasyz etýge mindetteme aldy.
Óz kezeginde, saýda jelileri odaǵy saýda jelileriniń qoldanystaǵy zańnamaǵa sáıkes shekti saýda ústemesiniń mólsherin saqtaýyn qamtamasyz etedi jáne osy sanattaǵy jumyrtqalardy satý boıynsha syıaqyny óndirip alý faktilerine jol bermeıdi.