Elimizdegi pandemıa jaǵdaıyna baılanysty, jergilikti bas sanıtar dárigerdiń qaýlysyna sáıkes, respýblıkanyń keı óńirlerinde juma namazy ýaqytsha toqtap tur. Áıtse de, bul Qazaqstannyń eshbir aımaǵynda juma namazy atqarylmaı júr degendi bildirmeıdi.
Elimizdiń qaı óńirlerinde 27 tamyz kúni juma namazy oqylatyny jóninde QMDB jamaǵatty qulaǵdar etti, dep habarlaıdy Almaty-akshamy.kz
QMDB baspasóz qyzmetiniń habarlaýynsha, ortalyq apparaty, resmı saıt pen áleýmettik jelidegi paraqshalaryna aptanyń orta tusynda «Juma namazy oqyla ma?» degen saýalmen habarlasýshylardyń qarasy qalyń. Tipti Dinı aqparat berý ortalyǵynyń (Call ortalyq) 8 71 72 33 30 30 nómirine beısenbi-juma kúnderi habarlasýshylardyń basym kóbi qasıetti kúni atqarylatyn namazdyń ótetin-ótpeıtinin suraıdy.
QMDB-ǵa qarasty 19 ókildik bolsa, sonyń tek 5-ýinde ǵana juma namazyn oqý ýaqytsha toqtatylǵan. Al qalǵan óńirlerde juma namazy meshit aýlasynda atqarylyp keledi. Sondaı-aq elimizde karantın kúsheıtilgen kúnderdiń ózinde juma, jamaǵat namazdary oqylmaı qalsa da, meshitterde bes ýaqyt namazǵa azan aıtý úzilgen emes.
Qazaqstannyń juma namaz oqylatyn aımaǵynyń tolyq tizimin myna jerden kórýge bolady.