TOQTY (21 naýryz – 20 sáýir). Aptanyń alǵashqy kúnderi qyzyqty jańalyqtarǵa toly bolmaq. Beleń alatyn oqıǵalar sizdiń bastamańyz arqyly órbimek. Qolyńyzdan keletin isti jetildirip, ómirińizge ózgeris engizýge umtylyńyz. Sizdi alda jan tebirenterlik áser men qaıtalanbas oqıǵalar kútip turǵanyn esten shyǵarmańyz.
TORPAQ (21 sáýir – 21 mamyr). Demalys kúnderińiz barynsha qyzyqty ári sátti ótpek. Siz aınalańyzda bolyp jatqan oqıǵalarǵa shyn kóńilmen qyzyǵýshylyq bildirip, qoǵamdyq ómirde belsendi bolasyz. Aınalańyzdaǵy adamdardyń kózaıymyna aınalyp, ómirińizge eleýli ózgerister engizetin bedeldi qaýymmen tanysýyńyz yqtımal.
EGİZDER (22 mamyr – 21 maýsym). Osy aptada barynsha jaqsy jaǵyńyzdan kórinesiz. Bul – turmystyq máselelerdi sheshýge qolaıly ýaqyt. Kerekti jumyspen aınalysyp jáne oǵan erekshe kóńil bólip, óz bedelińizdi arttyrasyz. Qıyn jumystardy isteýge múmkindigińizdiń baryn kórsetesiz.
SHAIAN (22 maýsym – 22 shilde). Apta basy shaıandar úshin tanystyq aıasyn keńeıtetin jáne shaqyrǵan jerden qalmaýdyń mańyzyn túsindiredi. Demalys kúnderi qyzyqty adamdarmen tanysyp, olardyń kómegimen iskerlik baılanys ornatasyz. Osy aptada sizdiń aqyl-keńesińiz dostaryńyzǵa asa qajet bolýy múmkin.
ARYSTAN (23 shilde – 23 tamyz). Týystaryńyzdyń eski sýretterin qalpyna keltirińiz. Bálkim, osy kúnderi óz otbasyńyz jaıly ózińiz bilmeıtin qupıalar ashylar. Aptanyń ekinshi jartysynda óz jaqyndaryńyzdan jaǵymsyz habar estýińiz múmkin, ol habar sizdiń bedelińizge zardabyn tıgizedi.
BIKESH (24 tamyz – 22 qyrkúıek). Asyqpańyz, barlyǵyna birden qol jetkizbeısiz, keıde qalaǵan nátıjege jetpes buryn sizge birneshe ret áreket etý qajet. Kezdeısoq kezdesýler bolýy múmkin. Keıbir bıkeshter buryn kóp jaqsy sózder estigen adamdarymen sóılese alady. Uzaq dostyq osyndaı tanysýdan bastalýy múmkin.
TARAZY (23 qyrkúıek – 22 qazan). Tarazylardyń eńbekke qulshynysy artady. Osy ýaqytta ózińizdiń qarjyǵa qatysty kózqarasyńyzdy ábden tarazylap, túıindi, sheshýi qıyn suraqtarǵa den qoıyp, moıyn burǵanyńyz durys. Jaqsylap eńbektengenińiz sizdi paıdaǵa keneltedi.
SARYSHAIaN (23 qazan – 21 qarasha). Apta basyn oı-órisińizdi damytýǵa, jeke tirlikterińizdi sheshýge, aınalańyzdaǵy dosjarandarǵa da keńes berýge arnaısyz. Demalys kúnderi uıaly telefonyńyzdy, ǵalamtoryńyzdy óshirip, jan rahatyna bólenińiz, jaqsylap demalyp, boıyńyzdy sergitip alǵanyńyz jón.
MERGEN (22 qarasha – 21 jeltoqsan). Erekshe belsendiligińiz ózińizge kedergi jasaıdy. Qatelikter jiberip, jyldam ashýlanýǵa beıim kelesiz. Alaıda, keshke bar qıyndyqtaryńyzdy ońaı sheship alýǵa múmkindik týady. Kelesi aptaǵa jańa jospar qurasyz. Jaqyndaryńyz sizdi baǵalaıtyn bolady.
TAÝESHKİ (22 jeltoqsan – 20 qańtar). «Bir qıyndyqtyń artynan eki jaqsylyq kút» demekshi, kez kelgen qıyndyqqa shydap baǵyńyz. İsińiz aldaǵy ýaqytta alǵa basýy múmkin. Sondyqtan bárine túsinistikpen qaraǵanyńyz abzal. Keıbir adamdarmen til tabysý, túsinisý qıyndaý bolýy múmkin. Biraq bári ótkinshi ekenin esten shyǵarmańyz.
SÝQUIǴYSH (21 qańtar – 19 aqpan). Dostaryńyzdyń arasynda eshteńeni sezine qoımasańyz da, otbasyńyzdaǵy túsinispeýshilik ýshyǵýy yqtımal. Jaqyndaryńyzdyń jaman jaǵyn emes, jaqsylyǵyn kóre bilgenińiz ózińizge de jeńildik ákeledi.
BALYQTAR (20 aqpan – 20 naýryz). Aptanyń alǵashqy kúnderi ózińizdi jaısyz, eshkimge kerek emesteı sezinesiz. Densaýlyǵyńyzdy kútińiz. Mahabbatta jolyńyz bolmaıdy. Biraq istegen árbir is-áreketińiz tek bolashaqta baqytty bolýǵa jasalǵan qadamdardyń biri dep qarańyz.
Ázirlegen Aqtolqyn ǴALYMǴAZYQYZY