Jeńimpaz oıy
Ulttyq Olımpıada komıteti derginshe, bokstan álem chempıonatynyń kúmis júldegeri Mahmud Sabyrhan Altyn Samǵaý-2021 Ulttyq sporttyq júldesiniń «Jyl jańalyǵy» atalymynda úmitkerler qataryna endi, dep habarlaıdy Almaty-akshamy.kz
Osy oraıda, boksshy úmitker qatarynda bolýdyń ózi zor mártebe ekenin jasyrǵan joq.
«Alǵash ret eresekter arasyndaǵy álem chempıonatyna qatysyp, kúmis medal aldym. Bul oqıǵadan keıin ómirim aıtarlyqtaı ózgergen joq. Jattyǵýdy, daıyndyqty ári qaraı jalǵastyryp, jańa belesterge umtylamyz.
Al ulttyq sporttyq júldege úmitker retinde qosylǵanymnyń ózi men úshin abyroı. Eńbegimizdi elep jatqan jandarǵa, daýys berip jatqan jankúıerlerge rahmet! Eger bul atalymda jeńiske jetsem, nur ústine nur bolary sózsiz», - dedi boksshy.