Shyǵys Qazaqstan mamandandyrylǵan medısınalyq ortalyǵynyń dárigerleri júktiliktiń sırek túri bar áıelge – jatyr moıny qýysyna operasıa jasap, bala týý fýnksıasyn saqtap qaldy, dep habarlaıdy aqshamnews.kz Densaýlyq saqtaý mınıstrligine silteme jasap.
«Jatyrdan tys júktilik - sırek kezdesedi jáne qaýipti asqyný bolyp tabylady. Buryn emdeýdiń jalǵyz ádisi jatyrdy alyp tastaý bolatyn. Qazir biz joǵary tehnologıalyq medısınalyq kómek kórsetip, áıeldiń urpaqty bolý aǵzasyn saqtap qalýdamyz. Pasıenttiń densaýlyǵyna qaýip tónbeıdi, al bolashaqta ol deni saý bala týa alady», - dep atap ótti SHQ OMMO gınekologıa bólimishesiniń meńgerýshisi Álıa Qadyrbaeva.
Gınekologıa jáne ınovasıalyq medısına bólimshesiniń dárigerleri Ǵumar Qadenov, Shyryn Muhamateqalıeva, sondaı-aq aýrýhananyń gınekologıa bólimshesiniń meńgerýshisi Álıa Qadyrbaeva eki kezeńde operasıa jasady.
«Meniń ómirime qaýip tóndi. Meniń oqıǵam búgingi tańda mundaı qıyn jaǵdaıda áıeldiń aldaǵy ýaqytta da baqytty ana bolýǵa degen úmitin saqtap qalý úshin qazirgi tańda osyndaı mamandar men medısınalyq tehnologıalardyń bar ekendiginiń jarqyn mysaly ekenine senimdimin», - dep pasıent dárigerlerge alǵysyn bildirdi.