Memlekettik áleýmettik saqtandyrý qorynan 300 myńnan astam ana júktiligi boıynsha tólem alyp otyr.
Bul týraly QR Eńbek jáne halyqty áleýmettik qorǵaý mınıstri Tamara Dúısenova aıtyp berdi, dep habarlaıdy Almaty-akshamy.kz QazAqparatqa silteme jasap.
«Memlekettik áleýmettik saqtandyrý qorynan 300 myńnan astam ana júktiligi boıynsha burynǵy ortasha eńbekaqysynyń 100 paıyzyn, al balaǵa qaraý kezeńinde eńbekaqysynyń 40 paıyzyn alyp otyr. Sondaı-aq, jumyssyz qalǵan 105 myń azamatqa olardyń eńbekaqysynyń 40 paıyzyna deıin 6 aıǵa deıin berilip jatyr. Keıingi jyldary bul tólemderdiń mólsherin edáýir kóterý máselesi qarastyrylýda», - dedi Tamara Dúısenova Úkimettiń búgingi otyrysynda.
Buǵan deıin Tamara Dúısenova Iandeks, Ýber, Vólt jáne Glovo platformalarynda jumys isteıtinderdiń de áleýmettik quqyqtary qorǵalatynyn aıtqan edi. Sonymen birge, 24-30 maýsym kúnderi bos jumys oryndarynyń alǵashqy onlaın-jármeńkesi ótedi.