Jylqynyń ıesine aıyppul salyndy
Pavlodar oblysynda júk poıyzy 7 jylqyny qaǵyp ketti. Jylqylardyń ıesi anyqtaldy dep habarlady Almaty-akshamy.kz Pavlodarnews.kz saıtyna silteme jasap.
Kóliktegi polısıa departamentiniń málimetinshe, aǵymdaǵy jylǵy 16 sáýir kúngi túnde Ekibastuz-1 ótkeliniń 303 shaqyrymynda júk poıyzynyń mashınısi temirjolda jylqylardyń bolýyna baılanysty shuǵyl tejeýdi qoldandy. Poıyz 1 saǵat 33 mınýt toqtap turdy.
«Soqtyǵysýdyń aldyn alý múmkin bolmady. Saldarynan 7 bas jylqyny qaǵyp ketti. Onyń ishinde bir jylqy ólip, 6 jylqy jaraqat aldy», – dedi departamentte.
Pavlodar stansıasyndaǵy jelilik polısıa bóliminiń qyzmetkerleri jedel izdestirý is-sharalaryn júrgizý barysynda jylqynyń temirjol boıyna shyǵýyna jol bergen Ekibastuz qalasynyń 41 jastaǵy turǵyny anyqtady.
Quqyqbuzýshyǵa qatysty QR ÁQBtK-niń 559-babynyń 1-bóligi, ıaǵnı temirjoldardyń bólingen jolaǵynda mal jaıý qaǵıdalaryn buzý boıynsha ákimshilik hattama toltyrylyp, 5 AEK mólsherinde aıyppul salyndy.