I. Joshy - Shyńǵys hannyń alǵashqy áıeli Bórteden shamamen 1182 jyly týǵan úlken uly.
II. Shyńǵys han Bórteden týǵan tórt ulyna barlyq jerin úleske bólgende Joshynyń enshisine Ertis ózeninen bastap batysqa qaraı Qypshaq dalasy túgel tıedi.
III. Joshy ulysy - Joshynyń ekesinen basqarýǵa alǵan ıelik jeriniń ataýy. Astanasynyń biri - Saraıshiq qalasy.
IV. 1227 jyly Joshy han Ortalyq Qazaqstan aýmaǵynda ań aýlap júrip, ákesi Shyńǵys hannan jarty jyl erte qaıtys bolady.
V. Joshy han kesenesi búginge deıin ortalyq Qazaqtandaǵy Ulytaýda tur.
VI. Joshy ulysy 1236-1242 jj. Joshynyń ekinshi uly Batýdyń «Batysqa jeti jyldyq joryǵy» netıjesinde batysta Dýnaı ózenine deıin keńeıedi.
VII. Joshy ulysy 1269 jylǵy Talas quryltaıynan soń jeke memleket bolyp, Altyn Orda ataldy degen ǵylymı tujyrym qalyptasqan.
VIII. Altyn Orda Shyǵys Eýropanyń Oral taýlarynan Dnepr ózeniniń oń jaq jaǵalaýyna deıingi jerlerdi alyp, Sibirge tereń boılady. Ońtústiginde Qara teńizben, Qapqaz taýlarymen jáne Persıamen shektesetin aýmaqty alyp jatty.
IX. Joshy hannyń ekinshi uly - Batý hannyń urpaqtary Altyn Ordada 1227-1359 jj. (Berke hannyń 1256-1266 jj. bıligimen qosa) 132 jyl bılik qurdy.
X. Joshy urpaqtary - Kereı men Jenibek handar Joshy ulysynyń sol qanatynda XV ǵ. ortasynda Shý boıyndaǵy Qozybasyda Qazaq handyǵynyń negizin qalaǵan. Qazaq handary men sultandary - Joshy urpaqtary.