Bıyl mamyr aıynda 2024 Altyn Ordanyń negizin qalaýshy Joshy han týraly serıaldyń óndiriske shyǵatyny týraly aqparat jarıalanǵan edi.
Atalǵan jobaǵa aýdıtorıa ǵana emes, halyqaralyq dıstrıbútorlar da asqan qyzyǵýshylyq tanytyp otyr, dep habarlaıdy aqshamnews.kz
Jaqynda Astanada Karga Seven Pictures ókilderi qatysqan esep berý kezdesýi ótti. Kezdesýge bas prodúser ári rejıser Emre Sahın, prodúser Fıkret Manoglý jáne qoıýshy-sýretshi Zekı Saraıoglý qatysty. Bul týraly Erlan Qarın óziniń Instagram paraqshasynda habarlady.
Kezdesý barysynda jobany júzege asyrý men senarıdi aıaqtaý máseleleri talqylandy. Senarıdi jazýǵa «Vıkıngı» jobasymen tanymal Djeıson Pollard, sondaı-aq «Koról vne zakona» serıalynyń avtory Kler Mýrsom jáne tarıhshylar men halyqaralyq sarapshylar qatysty. Prodúserler aldyn ala daıyndyq jumystarynyń aıaqtalǵanyn málimdedi: Joshy ulysy men Altyn Ordanyń tarıhy zertteldi, kóshpeli halyqtardyń mádenı qundylyqtary men turmysy zerdelendi, túsirilim oryndaryn izdeý (lokasıa skaýtıng) júrgizildi jáne kastıng prosesi bastaldy. Olar jobanyń aýdıtorıa, fokýs-toptar men halyqaralyq dıstrıbútorlar tarapynan úlken qyzyǵýshylyq týdyryp otyrǵanyn atap ótti.
Joshy han týraly fılmdi ekranǵa shyǵarmaq bul komanda Netflix platformasyndaǵy «Vosqod Osmanskoı ımperıı», «Istorıa Moıseıa» jáne basqa da tanymal jobalardy jasaǵan.