Ǵylym jáne joǵary bilim mınıstrliginiń málimetinshe, osy jyly jergilikti ákimdikter 2 myń 475 bilim berý granttaryn bólgen, dep habarlaıdy aqshamnews.kz
«Bilim berý grantyn taǵaıyndaý konkýrsyna qatysý úshin úmitker joǵary oqý oryndarynyń qabyldaý komısıasyna ótinish berý qajet. Sondaı-aq JOO-ǵa bilimi týraly qujat, UBT sertıfıkatyn, jeke basyn kýálandyratyn qujattyń kóshirmesin, jeńildik sanatyn rastaıtyn qujattardy (bar bolǵan jaǵdaıda) tapsyrady», - delingen habarlamada.
Qujattardy qabyldaý merzimi týraly aqparatty ákimdikterden, sondaı-aq joǵary oqý oryndarynyń qabyldaý komısıalarynan alýǵa bolady. Grant berý týraly sheshimdi ákimdik janynan qurylǵan arnaıy komısıa qabyldaıdy. Joǵary oqý oryndaryna qabyldaý 25 tamyzda aıaqtalady.