Sońǵy jyldary áýe kóligi jolaýshylar úshin yńǵaıly ári tartymdy bolýda.
Mysaly, Qazaqstanda jyl saıyn áýe tasymaly 10–15%-ǵa artýda. 2024 jyly qazaqstandyq avıakompanıalar 15 mln-ǵa jýyq adamdy tasymaldady, áýejaılar 30 mıllıon jolaýshyǵa, onyń ishinde sheteldik avıakompanıalar men azamattarǵa qyzmet kórsetti.
2024 jyly júk tasymaly kólemi – jylyna 28 myń tonnaǵa ulǵaıdy. Otandyq áýe tasymaldaý júıesin damytýdaǵy mańyzdy element ushaqtar parkin jańartý. Ol jyl saıyn 10–15 áýe kemesimen tolyqtyrylady. Búgingi tańda Qazaqstannyń avıaparki 102 ushaqty quraıdy. Ótken jyly iri túıindik habtardy damytý maqsatynda áýe kóligi ınfraqurylymyn jańǵyrtý aıasynda úsh jańa jolaýshylar termınaly paıdalanýǵa berilgeni belgili. Máselen, Almaty, Shymkent jáne Qyzylorda qalalarynda jolaýshylar termınalynyń ótkizý múmkindigi ulǵaıdy. Shymkent qalasy áýejaıynyń jańa termınalynyń ótkizý múmkindigi jylyna 800 myńnan 6 mln jolaýshyǵa deıin ulǵaıdy. Jańa termınal halyqaralyq áýe baǵyttarynyń sanyn 10-ǵa, reısterdi aptasyna 24-ke deıin arttyrdy.