"FlyArystan" áýe kompanıasynyń Astana - Óskemen baǵyty boıynsha reısinde jolaýshy stúardessany uryp, ushaqtyń ushýyn keıinge qaldyrýǵa sebep boldy, dep habarlaıdy aqshamnews.kz
Oqıǵa saǵat 17:20 shamasynda oryn aldy, nátıjesinde reıs birneshe saǵatqa keıinge shegerildi. Artynan reıstiń kelesi kúnge aýystyrylǵany belgili boldy.
Oqıǵa kýágeri, jýrnalıs Azamat Ergalıevtiń aıtýynsha, 50 jas shamasyndaǵy er adam bortprovodnık qyzdy uryp, aýyrsynýdan jıyrylyp otyrǵanyn kórgen. Stúardessany áketken soń, er adam basqa jolaýshylarmen de janjal shyǵarǵan. Keıin polısıa kelip, er adamdy alyp ketti. Barlyq jolaýshylar ushaqtan shyǵaryldy.
Transporttaǵy polısıa málimetteri boıynsha, 47 jastaǵy er adam mas kúıinde stúardessany ishinen urǵan, jáne ushaqtan shyǵyp bara jatqanda "bomba" dep aıqaılap, panıka týǵyzǵan. Áýe kemesiniń tekserisi nátıjesinde jarylǵysh zattar tabylmaǵan. Er adamǵa buzaqylyq áreket jáne jalǵan terorızm týraly habarlama úshin qylmystyq is qozǵaldy. Qazirgi ýaqytta ol ızolátorǵa qamalǵan.