Mastercard málimetinshe, 2024 jyldyń 11 aıynda Almatyda týrıserdiń qanaǵattaný ındeksi 67-ge jetip, ótken jyldyń osy kezeńimen salystyrǵanda 2,7%-ǵa artqan. Týrıser qaýipsizdik pen qyzmet kórsetý sapasyn negizgi oń faktorlar retinde atap ótken, dep habarlaıdy aqshamnews.kz
2024 jyly Almatyda týrızm salasy mamandarynyń biliktiligin arttyrýǵa baǵyttalǵan aýqymdy jumystar júrgizildi. Shilde men qarasha aralyǵynda kólik toraby men týrısermen jumys isteıtin qyzmetkerler úshin aǵylshyn tili kýrstary uıymdastyrylyp, 400 adam bilim aldy. Bul sheteldik týrısermen baılanysty jaqsartýǵa jáne Almatynyń halyqaralyq mártebesin nyǵaıtýǵa yqpal etti.
Shilde men qyrkúıek aılarynda Dúnıejúzilik týrısik gıdter qaýymdastyqtary federasıasy (WFTGA) uıymdastyrǵan kýrstarǵa 200 gıd pen ekskýrsovod qatysty. Bul baǵdarlama ekskýrsıa qyzmetteriniń sapasyn jaqsartýǵa jáne Almatynyń mádenı-tarıhı murasyn keńinen tanytýǵa múmkindik berdi.
Qarasha aıynda týrızm salasynda 420 qyzmetker úshin fasılıtasıa trenıńteri ótkizildi. Olardy Dúnıejúzilik saıahat jáne týrızm keńesiniń (WTTC) halyqaralyq sarapshylary júrgizdi. Bul trenıńter týrısik qyzmet kórsetý sapasyn arttyryp, basqarýshylyq daǵdylardy damytýǵa yqpal etti.
Qyrkúıek pen qazan aılarynda Respýblıkalyq jedel-qutqarý jasaǵy (RJQJ) qutqarýshylaryna arnalǵan bastapqy daıyndyq baǵdarlamasy uıymdastyryldy. Bul Almatynyń tabıǵı muralarǵa baı aımaqtarynda týrıserdiń qaýipsizdigin qamtamasyz etýge múmkindik berdi.
2024 jyly atqarylǵan bul jumystar Almatyny sheteldik týrıser úshin tartymdy etip, qalanyń halyqaralyq bedelin arttyrdy.