Almaty qalasynyń ákimi Baqytjan Saǵyntaev «Almaty» telearnasyndaǵy jol ınfraqurylymyn damytý jónindegi onlaın-tanystyrylym barysynda qalamyzda salynyp jatqan úsh jolaıryq týraly aıtty dep habarlaǵan bolatynbyz.
Búgin ákimniń osy onlaın-tanystyrylymyn kórgen qala turǵyny, sáýlet jáne qala qurylysy boıynsha PhD doktor Arman Saǵıev óz pikirimen bólisti, dep habarlaıdy Almaty-akshamy.kz.
- «Almaty» telearnasynan Almaty qalasynyń ákimi Baqytjan Saǵyntaevtyń qaladaǵy salynyp jatqan jolaıryqtar qurylysy týraly habardar etken kórsetilimin kórip, tyńdadyq. Shynymen de, qalyń kólik júıitkıtin kóshelerge úlken jolaıryqtar kerek.
Keshe qala ákimi aıtyp ótkendeı, jer asty ótkelderi, trotýarlar, velosıpedke arnalǵan arnaıy joldar qala turǵyndarynyń qaýipsizdigin arttyrady. Qaladaǵy eń úlken Rysqulov, Saın, Seıfýllın sıaqty kóshelerge jolaıryqtar salynyp jatyr. Bul qala turǵyndaryn qýantady degen oıdamyn.
Negizi qurylysqa az ýaqyt ketpeıtini belgili. Bul eńbekti talap etetin jumys. Usaq detaline deıin uıymdastyrylýy kerek. Mysaly, jer asty ótkelderi qaı jerge salynady, trotýarlardyń uzyndyǵy, eni qansha bolady degen syndy máseleler qarastyrylýy kerek. Sondaı-aq, jolaıryqtar salý úshin úlken kólemde jer ýchaskelerin satyp alý kerek.
Keshe Baqytjan Saǵyntaev ol jerlerde adamdar turatyndyqtan, satyp alý qıynǵa soǵatynyn atap ótti. Alaıda turǵyndarmen kelissóz júrgizýge tyrysyp jatyrmyz dedi. Onyń ózi biraz ýaqytty talap etedi. Jalpy, jolaıryqtar salý qala turǵyndarynyń qaýipsizdigi, ıgiligi úshin ekenin umytpaýymyz kerek. Sondyqtan, qaı jaǵynan bolsyn, qala turǵyndarynyń qoldaýy óte mańyzdy dep oılaımyn.