2022 jyly 4 jobany íske asyru josparlanuda.
Balqash kólíne qauíp tóníp tūrǵan joq, deıdí qazaqstandyq ekologtar. Kóldí saqtau maqsatynda arnaıy jospar ázírlendí, dep habarlaıdy Almaty-akshamy.kz.
Mamandardyń habarlauynsha, kóldíń tūraqty deńgeıde saqtaluyna (Baltyq júıesíníń 341 M belgísínen tómen emes) jyl saıyn oǵan 12 mlrd m3 su aǵynynyń qūıyluymen kepíldík beríledí. Būl rette aǵynnyń 70%-y transshekaralyq Íle ózení arqyly keledí. Gıdrologıyalyq derekterdí taldau kórsetkendeı, Íle ózeníníń aǵysy 2001 jyldan 2020 jylǵa deıín 13,8 mlrd m3 qūrady. Kólge jyl saıyn shamamen 20 mlrd m3 su aǵyny qúıylady, Íleden keıíngí eń írí ózender - Qaratal, Aqsu, Lepsí, Ayagóz ózenderí.
«Memleket basshysy Qasym-Jomart Toqaevtyń tapsyrmasyna sáıkes, Almaty oblysynyń ákímdígí jáne basqa da uákílettí memlekettík organdarmen bírlesíp Balqash kólín saqtau boıynsha arnaıy jospar ázírlendí. Josparda ónerkásíptík kásíporyndardyń zıyandy tógíndílerín qysqartu, Íle ózení atyrauynyń aǵyndaryndaǵy tazartu jáne túbín tereńdetu jūmystary, ırrıgatsıyalyq jáne drenajdyq júıelerdí qaıta qūru jáne sudy únemdeu úshín Íle ózení basseınínde gıdromelıoratıvtík júıelerdí qaıta jańartu jáne suarudyń zamanauı tehnologıyalaryn engízu, Íle ózení aǵynynyń auytquyn azaıtu úshín Qapshaǵaı su elektr stantsıyasyyń Kerbūlaq kontrrettegíshín salu jóníndegí ís-sharalar kózdelgen», – dep habarlaıdy Ekologıya, geologıya jáne tabıǵı resurstar mınıstrlígíníń baspasóz-qyzmetí.
Būl ís-sharalar ázírleníp jatqan su resurstaryn basqaru jóníndegí ūlttyq joba sheńberínde íske asyrylatyn bolady.
Sondaı-aq, Balqash kólíníń ekologıyalyq jaı-kúıín jaqsartu maqsatynda jáne Íle ózení atyrauyndaǵy balyq qorlarynyń ónímdílígín qalpyna keltíru jáne odan árí molaıtu úshín 2006 jyldan bastap jyl saıyn Almaty oblysynyń ákímdígí kól atyrauyndaǵy arnalardy keńeıtudí jáne tereńdetudí júrgízude.
2020 jyly Balqashqa qūyatyn arnalardy mehanıkalyq tazalau jáne tereńdetu boıynsha 5 joba íske asyryldy. Bıyl Íle ózení suynyń kólge qūyuyn arttyru úshín 4 nysan boıynsha jūmystar júrgízílude. 2022 jyly 4 jobany íske asyru josparlanuda.
