İshki ister mınıstrliginiń buıryǵy jarıalandy.
Mınıstrdiń buıryǵymen bıyl 30 maýsymda bekitilgen jol qozǵalysy erejelerine birqatar ózgeris engizilip otyr, dep habarlaıdy Almaty-akshamy.kz
Moped júrgizýshilerine velosıped jolymen, velojolaqpen, jol jıegimen, trotýarmen nemese jaıaý júrginshiler jolymen júrýge tyıym salynady.
İshki ister mınıstrligi jol qozǵalysy erejesindegi samokattar, mopedter men velosıpedterge qatysty talaptardy kúsheıtti.
24-taraýda mopedter, elektr samokattar men velosıpedterge qatysty qosymsha talaptar belgilendi. Atap aıtqanda, velosıped júrgizýshileri velojolaqpen, ol bolmasa, joldyń oń jaq shetimen, sonyń ishinde marshrýttyq kólik quraldaryna arnalǵan jolaqpen bir qatarda ne jol jıegimen, trotýarmen nemese jaıaý júrginshiler jolymen jaıaý júrginshilerdiń júrisine qaýip tóndirmeı júre alady.
Al moped júrgizýshilerine velosıped jolymen, velojolaqpen, jol jıegimen, trotýarmen nemese jaıaý júrginshiler jolymen júrýge tyıym salynady. Elektr samokat júrgizýshileri velosıped jolymen nemese velojolaqpen júre alady. Ondaı jolaqtar bolmasa, joldyń oń jaq shetimen, sonyń ishinde marshrýttyq kólik quraldaryna arnalǵan jolaqpen bir qatarda ne jol jıegimen, jaıaý júrginshilerdiń júrisine qaýip tóndirmeı, saǵatyna 6 kılometrden aspaıtyn jyldamdyqpen trotýarmen nemese jaıaý júrginshiler jolymen júrýge tıis.
18 jasqa tolmaǵan jáne júrgizýshi kýáligi joq elektr samokat júrgizýshilerine joldyń jıegimen jáne marshrýttyq kólik quraldaryna arnalǵan jolaqpen júrýge tyıym salynady.
171-tarmaqta barlyǵyna ortaq shekteýler kórsetilgen. Olar:
rólden ustamaı júrýge;
jolaýshy tasymaldaýǵa (velosıped pen mopedte arnaıy oryndar bolsa, jolaýshyny tasymaldaı alady);
júkterdi tasymaldaýǵa (velosıped pen mopedte arnaıy qurylǵylar bolsa, júkterdi tasymaldaýǵa bolady, biraq 0,5 metrge shyǵyp turmaýy kerek);
tramvaı qozǵalysy bar joldarda solǵa burylýǵa nemese keri burylýǵa;
mopedter, elektr samokattar men velosıpedterdi súıretýge (mopedter men velosıpedterge arnaılǵan tirkemelerdi súıretýge bolady);
jaıaý júrginshiler ótkelimen moped, elektr samokattar men velosıpedten túspeı júrýge;
túngi ýaqytta jaryqty shaǵylystyratyn zattarsyz júrýge;
joldyń jıegine shlemsiz shyǵýǵa tyıym salynady.
Sondaı-aq moped, elektr samokat, velosıped pen motosıkl mingen múgedek azamattar jaıaý júrginshilerge teńestiriledi.