Aýdannyń jol-kólik ınfraqurylymyn damytý máselesi ózekti bolyp otyr.
Ótken jyly "Aqjar" shaǵynaýdanynda 10 shaqyrym jol jáne "Aqjar", "Qaraǵaıly" men "Shuǵyla" shaǵynaýdandarynyń 12 kóshesinde 8 shaqyrym trotýar salyndy, 23 shaqyrym jolǵa ortasha jóndeý júrgizildi, - dep habarlaıdy Almaty-akshamy.kz.
Al bıyl "Aqjar" jáne "Shuǵyla" shaǵynaýdandary boıynsha 20 kóshede 16,4 shaqyrym jol salynyp, 21 shaqyrym jol ortasha jóndeýden ótpek.
- Sondaı-aq osy jyldyń sońyna deıin Abaı dańǵylyn qala shekarasyna deıin uzartý jumystaryn aıaqtaýdy josparlap otyrmyz. Aıta keteıik, jumysty júrgizý kezinde 73 jer ýchaskesi memleket menshigine qaıtarylsa, 58 ýchaske satyp alyndy, 15 ýchaske boıynsha jumystar júrip jatyr. Osy aıda Jubanov kóshesin Momyshuly kóshesinen qala shekarasyna deıin uzartý jobasyna memlekettik saraptamanyń qorytyndysy shyǵýy tıis, - dedi qala ákimi Erbolat Dosaev.