Aýdan turǵyndaryn sapaly sýmen úzdiksiz qamtamasyz etý boıynsha úlken jumys atqarylýda.
2022 jyly 85 km-ge jýyq (84,7) sýmen qamtý (56,2 km) jáne káriz (28,5 km) jelileri salyndy,
2023 jyly 19,9 km salynyp, 335 km sýmen qamtý (187,5 km) jáne kanalızasıa (147,5 km) jelileriniń qurylysy jobalanady, dep habarlaıdy Almaty-akshamy.kz.
Bul týraly Almaty ákimi Erbolat Dosaevtyń Naýryzbaı aýdany turǵyndarymen ótken kezdesýinde aıtyldy.
«Onyń ishinde "Aqjar" jáne "Qaraǵaıly" shaǵynaýdandary boıynsha jobalaý-smetalyq qujattama memlekettik saraptamaǵa jiberildi. Sáýir aıynda saraptama qorytyndysyn alyp, qurylysty 2023 jyldyń İİ (3) toqsanynda bastaýdy josparlap otyrmyz. Qarǵaly ózenindegi sý jınaǵyshtyń qurylysy aıaqtalady jáne Aqsaı ózenindegi sý jınaý qurylǵysyn salý jumystary jalǵasady. 2025 jyldyń 4-shi toqsanynda aıaqtalady», - dedi qala ákimi E.Dosaev.
Nátıjesinde, 2025 jyldyń sońyna deıin Naýryzbaı aýdanyn sapaly sýmen úzdiksiz qamtamasyz etý máselesi sheshiletin bolady.
Aýdannyń basqa da eń ózekti jáne mańyzdy problemalaryn sheshý jumystary qarqyndy jalǵasýda.