Almaty oblysynda polıseıler jol jıegimen júretin júrgizýshilermen kúresýde.
Oblystyq departamenttiń bastamasymen “Qaýipsiz jol” jedel-profılaktıkalyq is-sharasy aıasynda polıseıler óńirdiń avtoblogerlerimen birlesip jol jıegimen júretin jáne qarsy qozǵalys jolaǵyna shyǵyp júretin júrgizýshilerdi anyqtaý boıynsha arnaıy jumys júrgizdi, dep habarlaıdy Almaty-akshamy.kz Polisia.kz-ke silteme jasap.
Almaty oblysynyń polıseıleri jol qozǵalysy qaýipsizdigin qamtamasyz etýge baǵyttalǵan kezekti jumystardy júrgizýde. Atalǵan is-shara avtokólik quraldarynyń aǵynyna baılanysty jol qozǵalysy qıyndaǵan Talǵar, İle jáne Qarasaı aýdandarynda júrgizilip jatyr.
"Departamenttiń vedimistik paraqshasyna jol jıegi arqyly keptelisterdi aınalyp ótetin jáne qarama-qarsy qozǵalys jolaǵyna shyǵatyn júrgizýshiler týraly shaǵymdar jıi túsedi. Osy suraqtardy pysyqtaý maqsatynda patrúldik polısıa jasaqtary avtoblogerlermen birlesip, osyndaı quqyq buzýshylarǵa qatysty maqsatty profılaktıkalyq, sondaı-aq pármendi sharalar júrgizýde. Sebebi, mundaı jol qozǵalysy erejelerin buzýdyń saldary aýyr zardaptarǵa ákelýi múmkin", – dedi Almaty oblysy PD PPB komandıri Darhan Baıshoınov.
Jyl basynan beri kólik quralyn joldyń júrý bóliginde ornalastyrý, qarsy júrip ótý nemese basyp ozý qaǵıdalaryn buzǵany úshin 518 hattama toltyryldy.