Almatylyq “Qaırat” fýtbol klýby alǵash ret tarıhynda ÝEFA Chempıondar lıgasynyń negizgi kezeńine shyqty.
Bul jetistiktiń qalaǵa týrısik áserin eseptegen mamandardyń boljamynsha, klýbtyń eýropalyq týrnırindegi óz alańynda ótkizetin tórt oıynyna aldyn ala esep boıynsha tórt myńnan astam sheteldik qonaq keledi. Ortasha eseppen árqaısysy shamamen 1400 dollar (754 myń teńge) qarajatty qonaq úı, kólik, tamaq pen demalysqa jumsaıdy. Nátıjesinde ekonomıkalyq úles shamamen 3 mlrd teńgege baǵalanady.
ÝEFA erejesine sáıkes, qonaq jankúıerlerge stadıondaǵy oryndardyń 5%-y beriledi. Almatyda ár oıynǵa orta eseppen myńǵa jýyq sheteldik jankúıer kútiledi. Budan bólek, “Qaırattyń” Chempıondar lıgasyndaǵy machtaryn 200-den astam elde júzdegen mıllıon kórermen tamashalaıdy.
Búgin, 28 tamyz kúni, “Qaırat” toptyq kezeńdegi qarsylastaryn anyqtaıdy. Jerebe saǵat 21:00-de (Astana ýaqytymen) bastalady.
Aıta keteıik, bıyl Chempıondar lıgasy jańa júıe boıynsha ótedi, dástúrli toptar ornyna 36 komandanyń biryńǵaı kestesi jasaldy.
“Qaırat” tórtinshi sebetke tústi jáne top-2 klýbtarymen oınaýy kepildengen.
“Real Madrıd”, “Barselona” nemese “Chelsı” qarsy shyǵý yqtımaldyǵy 40%-dan asady, al “Arsenalǵa” qarsy oınaý yqtımaldyǵy shamamen 22%.