Ǵylym jáne joǵary bilim mınıstri Saıasat Nurbek Semeıde ótken eldiń joǵary oqý oryndary qaýymdastyǵynyń jalpy jınalysynda osyndaı jańalyqty jetkizdi.
Vedomstvo basshysynyń aıtýynsha, pılotty joba álemge áıgili «Google» kompanıasymen birlese júzege asyrylady. Qazirgi ýaqytta 14 ýnıversıtetke 750 lısenzıa berildi, dep habarlaıdy Almaty-akshamy.kz 24.kz-ke silteme jasap.
«Ol pılotty joba jaqsy júzege assa, kelesi jyldan bastap búkil joǵary oqý oryndaryna osy kýrsty beremiz. Mindetti túrde búkil oqýshylarymyz, stýdentterimiz ony oqý kerek. Jáne de bul óte jaqsy jasalǵan, qurastyrylǵan kýrs. Ár adamǵa jasandy ıntelektiniń ne ekenin, algorıtmderdiń ne ekenin, ony qalaı kúndelikti ómirde qoldanýǵa bolatynyn túsindiretin kýrs», - dedi QR Ǵylym jáne joǵary bilim mınıstri Saıasat Nurbek.