Joǵary oqý oryndarynyń akademıalyq jáne basqarýshylyq erkindigi odan ári keńeıtiledi. Saladaǵy ózgerister týraly QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev Facebook-tegi parashasynda málimdedi, dep habarlaıdy Almaty-akshamy.kz
Joǵary oqý oryndaryna qorytyndy atestattaý nysanyn anyqtaýda tolyq derbestik beriledi. Bul qorytyndy jumysty tapsyrýdan bas tartpaıdy, bilim berý baǵdarlamasynyń ereksheligi men joǵary oqý ornynyń akademıalyq saıasatyn eskere otyryp, qorytyndy atestattaý nysanyn/formatyn tańdaý múmkindigin beredi. Mysaly, ýnıversıtetter nátıjege baǵyttalǵan jobalarda stýdentterdiń komandalyq jumysyn, sondaı-aq startap-jobalar, konkýrstyq jumystardy jáne t.b. qoldana alady, - dep jazady ol.
Sondaı-aq departament dırektorynyń málimetinshe, qoldanystaǵy standart boıynsha bazalyq pánder keminde 112 kredıtti, beıindeýshi pánder – 60 kredıtti quraıdy. Biraq, ár ýnıversıtettiń baǵdarlamalary ártúrli, sondaı-aq kadrlardy daıarlaý baǵyttarynyń ereksheligi bar, mundaı qatań retteý joǵary oqý oryndaryna keıbir bilim berý baǵdarlamalarynyń ereksheligin eskerýge múmkindik bermeıdi. Sondyqtan jańa Standart jobasynda bazalyq jáne beıindeýshi sıkl pánderiniń kredıtter sanyn qatań retteý bolmaıdy. Osylaısha, joǵary oqý oryndary kredıtterdiń jalpy sanyn eskere otyryp, bazalyq jáne beıindeýshi sıkl pánderiniń kredıtter sanyn ózderi anyqtaıtyn bolady.
Ádilet Júnisulynyń aıtýynsha, úzdiksiz bilim berý tujyrymdamasyn iske asyrý sheńberinde kelesi uǵymdar engizilýde: «mıkrokvalıfıkasıalar», «nano-deńgeıler», «keńeıtiletin dárejeler (Stackable degree)».
Bul árbir adamǵa kásibı qyzmeti úshin qajetti quzyretterdi jınaýǵa múmkindik beredi. Barlyq azamattar qysqa merzimde qajetti kásibı daǵdylardy meńgerip, qosymsha bilim ala alady. Joǵary oqý oryndaryna magıstranttar men doktoranttardyń jeke oqý josparynyń qurylymyn óz erkimen bekitý quqyǵy beriledi. Atalǵan ózgeris negizinen Mınıstrliktiń ýnıversıtetterdiń ishki qujat nysandaryn retteý jáne eseptilikti qysqartý boıynsha jumysynyń jalǵasy bolyp tabylady. Eger qoldanystaǵy standartta jeke oqý josparynyń qurylymyna talaptar kózdelse, jańa jobada olar joq, - dedi ol.
Sonymen qatar ol ǵylymı basshylyqty taǵaıyndaý jáne dısertasıa taqyrybyn bekitý merzimderin retteý normalary qaıta qaralatynyn jazdy. Departament dırektory pedagogter joǵaryda atalǵan ózgeristermen tanysyp, pikirlerin bildire alatynyn atap ótti.
Standart jobasy ashyq normatıvtik quqyqtyq aktiler portalynda ornalastyrylǵan. Pedagogıkalyq qaýymdastyqty osy jobany keńinen talqylaýǵa shaqyramyn. Sizderdiń usynystaryńyzdy qarastyrýǵa daıynbyz, - dep qorytyndylady mınıstrlik ókili.